专访｜黄妍唔觉30岁系关口：人哋觉得要转变嘅嘢，我不嬲都做紧

今年初首夺“叱咤乐坛女歌手银奖”后，黄妍（Cath）未有放慢脚步，在透过《Little People》承认自己在世界上只是微不足道，非常渺小，Cath决定继续与何秉舜（何丙）合作，用新歌回应动荡不安的世界：“《Little People》承认咗人类系卑微、渺小，但系呢件事系比较难承认。人类本身就系好强大㗎嘛，点解要我承认卑微呢？面对住某啲嘢，原来我哋冇选择权，确实系好难接受。”
新歌名字取自印度诗人泰戈尔（Rabindranath Tagore）《飞鸟集》中的一句名言“世界以痛吻我，要我报之以歌。”与合作无间的填词人王乐仪商量后，Cath决定改成现在的《世界以痛吻我而我歌唱》（下称《歌唱》）。她解释：“世界会用唔同种类嘅痛，美化咗就话系‘亲吻’你，其实系畀挑战你，而你会点样应对呢一种痛？我同王乐仪选择咗创作、歌唱。”即使在现实生活中，Cath也依然选择透过音乐回应、宣泄。
撰文：刘传谦
摄影：陈顺祯
黄妍发型：Alex So@The Attic
黄妍化妆：Jessica Chan
黄妍服装：Charlotte Ng Studio

《轻盈》2.0

“如明日太烂了／也要与微尘拥抱”上年推出的《轻盈》已经鼓励读者要以轻盈姿态应对世界上接踵而来的挑战，Cath形容《歌唱》正好解释如何实践《轻盈》带出的精神：“之前讲过即使世界上嘅事有几咁唔容易面对，但系转个角度，用一个轻盈啲嘅姿态应对，所有嘢都会容易啲过。但系《Little People》同《轻盈》都系喺心态上，呢首歌就系话畀你听点样将呢个心态落地实践。今次畀咗一个建议大家，其实可以透过歌唱，当然除咗歌唱都仲有好多唔同做法。”这也是Cath在构思新歌预告片时的概念，出走、大吃一顿，这些都是香港人寻找快乐的方法。

为新歌特意学肢体动作

不少乐迷视《歌唱》为Cath的另一突破，其中一点是在MV和现场演绎上，她愿意加入更多肢体动作。在拍摄MV前，Cath特意再次向去年《dear you, dear me.》演唱会中合作过的排舞老师辉辉请教：“冇错，排舞老师唔系帮我排舞，而系执我嘅肢体动作。佢话畀我听我嘅身体可以点郁动，例如我只手嘅伸展幅度其实可以比以前更加大，可能以前举手永远都唔会过眉毛，但系佢话畀我听系可以过头嘅，然后只手可以点放得靓呢？确实有揾排舞老师执过要郁嘅部份，因为呢首歌太有节奏感，唔可以好似以前咁，净系攞住支咪，企定定、合埋眼，好专心咁唱。但系我一郁，所有动作都好滑稽。其实系一啲好BB班嘅嘢，但系对我嚟讲已经系一个几大嘅突破。”至于会否继演唱会中《消失的人》的表演后再尝试跳舞，Cath笑称希望大家要忘记这段表演，又说跳舞对自己而言难度太大。

学唱歌遇瓶颈

另一点在于Cath成功驾驭这种节奏感强，唱法带点硬朗的作品，一切归功于上唱歌课后的成果。她称自小从来没有学过唱歌，直至最近才下定决心上课，刚好师兄陈柏宇（Jason）也在同期决定学唱歌，因此Jason在学唱歌期间经历过的事，她也感同身受。与Jason一样，Cath在唱功上确实有进步，但她透露这段时间在唱歌上反而遇到樽颈，甚至因此萌生放弃学唱歌的念头：“当你真系唱嘅时候，因为𠮶啲声都系啱啱开始学，未系练得好纯熟。以前用嘅声唱咗廿几年，依家无端端开咗另一把声，每次唱Live嘅时候变咗会谂多咗，亦唔太熟悉点控制𠮶组肌肉，令我有一段时间唱歌唔系好稳。不过我最近都好返好多，而阿陈（陈柏宇）喺差唔多嘅时间都突然间好咗，真系可以突然之间好咗。其实去到中间曾经有谂过，点解唱歌会咁唔稳呢？我系咪应该要停止学习呢？用返以前最保险嘅方法系咪最好呢？但系呢个都系一个要冲过嘅关口，为咗之后要进步，我必须要接受依家唱歌嘅状态系会咁浮动，事实证明挨过之后就会变得好好，依家系实正咗，用声选择多咗，可以唱到嘅歌都唔同咗，好庆幸当时挨过咗。”

珍惜与真朋友相处

除了音乐，当“世界以痛吻Cath”，她第一时间想到：“我会食雪糕。（笑）我好钟意食嘢，或者食甜嘅嘢都可以，但系食雪糕系最好嘅，可以暂时忘记一啲烦忧紧嘅嘢。”当然，遇到更头痛的事，Cath除了写歌、写日记，也会与朋友倾诉。不过，Cath坦言过去曾遇到自以为是朋友的人，在网络上散播针对她的不实指控，令她大吃一惊，问到往后会否在交友上更谨慎，她直言：“其实冇得小心。我相信吸引力法则，当你系一个善良嘅人，可以留喺你身边做好朋友嘅人都系锡你，一样咁善良嘅人，所以我会继续做一个善良嘅人，亦因为咁，我会更加珍惜身边真系对我好嘅真心朋友。”

唔觉30岁系人生关口

对女生而言，30岁似乎是个人生关口，需要经历身边遇到的不同转变，在事业和爱情上的目标也似乎要变得更清晰。Cath在4月也迎接“29+1”的关口，不过她却认为只是一件小事：“我觉得30岁唔系一个大关口，但系身边嘅人会觉得，女仔踏入30岁，有啲嘢系要唔同，所以我喺生日𠮶段时间有好多人问我有咩新目标，有咩谂住转变、有唔同。我觉得自己嘅灵魂好老，啲习惯都系好老，人哋觉得应该要转变嘅嘢，其实我不嬲都做紧，所以冇太大感受。反而我觉得18岁同20岁嘅关口系比较大，可能我比较早经历𠮶啲关口，所以我觉得还好。”

大学勤力返兼职令后悔变无悔

问起30年人生自觉后悔的一件事，Cath想了很久，说起读大学时的生活：“可能系大学嘅时候冇上庄？确实系少咗好多机会认识人，个人真系折咗。但系每样嘢都有佢嘅好与唔好，𠮶阵大学就系冇上庄，冇玩，我系好专心咁返兼职揾钱，咁先可以买到结他，真系储到钱同开始唱歌。确实𠮶段时间系冇咁精彩，但系佢换返嚟嘅𠮶样嘢，我好喜欢。”至于令她最不后悔的，Cath即马上说4年前决定入行追梦：“入咗行虽然系辛苦，因为你要一直保持不停进步，但系呢个真系一个完全无悔嘅决定。”

有意再启动18区Busking

日前Cath出席中环海滨一个户外演出，她直言有种回到最初街头Busking的感觉：“因为都系喺户外，以前都系咁。其实可以同观众面对面接触，最正个位系睇到同听到观众嘅反应，令你嘅演出都会有啲唔同，但系佢嘅距离都系比Busking远咗少少。”经历这个户外演出，Cath也直言有再次游走18区Busking：“其实系可以，真系好好玩，但系无奈嘅系，近年疫情都比较严峻，所以都不能够实现。但系我好钟意busking𠮶种即时互动，例如佢想听咩歌，我就即刻唱，如果有机会我都想搞多次。”