专访｜蓝月自认6年前已仰慕Anson Lo：𠮶阵已经知道佢跳舞好叻

2022年乐坛出现不少女新人，其中不乏来自上年ViuTV选秀节目《全民造星IV》的参赛者，除了女团COLLAR外，也有何佩、徐家蔚（Emiko）、黄筠儿（Chloe）等参赛者另组女团或作个人发展。在96强以外，有一位遗珠也选择在今年默默加入乐坛，她是蓝月（Hailey）。
以“可柔”这个名字参加《造星IV》，Hailey除了推出新歌《用手说的脏话》外，也以一个新艺名登场。她是这样解说自己的名字：“系师傅帮我改名嘅，佢有好多字畀我拣，最后我拣咗‘蓝’、‘月’。我好钟意月亮，因为月亮畀我嘅感觉好似，我夜晚间唔中会自己一个喺海边睇星星、月亮，或者返屋企嘅时候见到月亮，会觉得佢好似系我嘅朋友，所以我希望每一个孤独嘅人，夜晚谂起月亮嘅时候，都会谂起我嘅音乐同我把声。”
撰文：刘传谦
摄影：叶志明
场地：The Wave

摆脱《造星IV》失利阴霾闯乐坛

Hailey在父母影响下，自小喜欢流行音乐和唱歌，过去也参加过不同歌唱比赛。她除了逐渐培养对公开表演的兴趣，也趁机从评语中学习：“每一次参加都唔系为争奖，而系为咗想得到评判或者身边嘅人畀我嘅评语，好似上咗唱歌堂咁。”尽管成绩只是其次，但面对无缘进入《造星IV》的失利，Hailey坦言最初有点失望：“呢个系一个好宝贵的舞台机会，当然会好想参与到呢一次嘅演出，喺同一个比赛嘅唔同场合展示到唱歌同表演欲畀唔同人睇。后来我觉得每个人嘅步伐都唔同，可能我当刻入唔到96强，反而会令我有呢个机会变成一个以个人身份出道嘅歌手呢。”

盼用出道作正视网络欺凌

《用手说的脏话》探讨网络欺凌、标签文化，Hailey认为言语暴力在香港十分常见：“大至艺人，小至一个普通人，只要畀人摆喺讨论区上面，佢哋就会受到网民嘅攻击同伤害。我想为佢哋出返啖气，其实唔应该人哋闹你，你就自己一个喺度唔开心、喺度嗌，有时候系要勇敢地为自己发声。”Hailey坦言自己在《造星IV》期间也面对过网络上各种抨击：“觉得最难听系佢哋会话我净系得外表而冇任何实力。我自己唱歌唱咗咁耐，一直都好热爱呢样嘢，亦用咗好多时间练习呢样嘢，我唔想因为其他人讲嘅说话，抹杀咗我咁耐嘅努力同对唱歌嘅热诚。”

钟意Anson Lo唔系因为《造星》

说起Hailey，外界最记得的或许是在面试时自认是位“神徒”，非常欣赏Anson Lo（卢瀚霆）。或许大家不知道的是，Hailey早在6年前，即Anson Lo未参加《全民造星》时，已经深深被对方跳舞技巧吸引：“因为我唔系一个跳舞好叻嘅人，其实我以前中三嘅时候已经见过佢教班，𠮶阵已经知道佢跳舞好叻。我会特别欣赏佢，因为佢咁耐以来都坚持到自己嘅梦想，由一开始钟意跳舞到成为跳舞导师，到依家真系以明星身份继续表演，都系自己钟意做嘅嘢，仲可以唱歌、演戏。我好佩服佢呢种能力。（𠮶阵好想上佢堂？）当然想啦，我谂每一个人去到佢嘅studio，见到佢咁大班学生，每一个都会好想跟佢上堂，因为佢跳舞真系好叻。”刚好Anson Lo当时所教的Jazz Funk也是大多数女舞者学习的类别，因此当时他已经吸引到不少女生慕名前来学跳舞。

从王菀之音乐中得到启发

其实Hailey也有另一位心目中非常敬仰的歌手：王菀之（Ivana）。Hailey在参加歌唱比赛时都会选唱Ivana的作品，当中《画意》亦是自己非常喜欢的歌曲。除了唱作歌手的身份外，Hailey也从Ivana的歌唱技巧上得到启发：“我觉得佢把声好特别，有别于其他要求好大爆发力、‘巨肺’之称嘅歌手，佢令我觉得音乐唔系得一种。同埋佢想讲嘅音乐主题都好多，唔会局限于好普遍嘅恋爱话题，例如《画意》系讲梵高，我好欣赏佢呢种谂法。”

点击睇更多专访靓相：