关心妍演唱会｜搞聚会帮萧正楠麦浚龙和好？Jade：我破唔到冰㗎㖞

一连两晚在红馆举行的《关心妍 Jade Kwan 约 20周年演唱会》，于昨晚（5/6）完满结束。Jade本来以《关心...心妍》和《你有心》为个唱划上句号，但在歌迷不断高呼Encore下，Jade再度上台，以《放生》报答歌迷热烈支持，最后更向观众送上飞吻。

骚后Jade在后台接受传媒访问时，坦言没想过观众反应会如此热情。说起两晚演出惊喜连连，Jade也说歌迷眼中最大惊喜应该是囡囡心心在台上打筋斗：“我今日都觉得惊喜，因为第一场佢打咗4个，我惊佢会紧张，一紧张就手软，于是叫佢唔好打咁多个，冇谂过佢今晚（昨晚）打6个，我呆咗，睇落真系愈打愈有。我都为佢嘅勇敢觉得好骄傲。”

而对丈夫杨长智（Jonas）而言，最大惊喜莫过于心心在台上提出要唱生日歌送给他，不过Jade笑说害怕心心守不住秘密，令惊喜被识穿：“可能今日（昨日）讲完，佢就转个头话畀老豆听，所以我等爸爸出咗门口先揾佢夹，叫佢要自己讲，请大家唱首生日歌，佢都练咗一阵。头先呢个秘密冇穿到，我觉得好开心，因为我哋冇乜嘢可以送畀爸爸，佢为咗今次演唱会真系劳心劳力，连庆祝都未谂，所以好多谢在场每一位观众唱首生日歌畀佢。（爸爸冇谂过？）佢唔知嘅，头先有记者朋友话佢块面红晒，我唔应该咁整蛊佢。”

而对尾场观众而言，最大惊喜莫过于郑秀文（Sammi）在演唱会接近尾声时现身，Jade解释自己在Sammi的歌曲身上得到很大鼓励，渡过人生上的各种难关，于是决定尝试邀请对方。今次Jade除了亲自写信邀请对方，更亲手制作零食篮送给Sammi，希望向对方表达诚意，至于Sammi在台上揭露Jade有意视这个20周年演唱会为最后一个个唱，Jade坦言：“我都有同佢讲，对上一次喺红馆开骚已经系10年前，甚至上一次开骚系8年前。真系好艰难，我真系唔知仲有冇机会可以再喺红馆开演唱会，如果呢个系最后一个嘅话，我希望可以邀请一啲对我嘅生命嚟讲好重要，畀我好大鼓励嘅人。所以佢都有话‘唔可以系最后一个呀’，但系因为真系艰难，唔系咁容易就搞得到，所以我真系当最后一个咁做。”

Jade连续两晚都有邀请萧正楠（Edwin）做嘉宾，她感谢Edwin在忙于拍剧期间仍一口答应，甚至做足两场嘉宾。二人在昨晚也谈起另一位同年出道的新人麦浚龙（Juno），Edwin更主动谈起，如果Juno决定开20周年个唱，希望也可以获邀担任嘉宾。Jade称近来与Juno甚少联络，但希望可以与同年出道的余文乐、Cookies等歌手相约，来场聚会。被问到假若重聚能够成事，会否帮忙为Edwin和Juno破冰，Jade笑说：“我破唔到冰㗎㖞。真系唔知，其实要约晒咁多个都唔容易，私底下有啲20年前嘅歌手都有联络，但系我同Edwin都好耐冇联络，上次见已经系啱啱生完BB拍《美女厨房》。希望迟啲大家真系可以聚一聚。”