专访｜冯允谦预告个唱为观众跳舞：跳得好唔好睇，我唔担保

2021年下半年，冯允谦（Jay）先与陈卓贤（Ian）联手举行《我是现场 音乐会 002》，随后再与卫兰（Janice）在《BACK TO THE NEW SKOOL》合作，两次演唱会刚好都在九展Star Hall上演。来到今年7月2-5日，Jay将第三度站上Star Hall舞台，不过今次要举办的是自己第一个个人演唱会《Have a JAY Time 2022》。他坦言自己同时有幕前及幕后工作，在安排筹备个唱时间上有一定难度：“我自己都系半个幕后人，要帮好多人写歌，可能我日头系幕前人，夜晚返屋企系幕后人，呢两个角色需要揾一个平衡。可能平时瞓少啲，早啲起身做运动，好好把握时间。”
除了近年在寰亚时期的作品，Jay也知道部份乐迷对自己过去效力英皇期间的歌曲都同样熟悉，为带给观众新鲜感，他也开始著手改编旧作，与此同时也开始锻炼身体，希望保留足够体力应付四面台，照顾坐在不同位置的观众。不过最令歌迷期待的，相信是Jay决定放胆加插跳舞环节。他主动分享：“有啲歌系会跳舞嘅，当然我自己跳舞唔系好叻啦，但系都想尝试。我觉得做show都要有showmanship（吸引观众的技巧），都系要表演，所以都想郁下。”Jay并非擅长跳舞，相信观众过往的反应正是他决定跳出舒适圈的动力。
撰文：刘传谦
摄影：陈顺祯
化妆：Evelyn Ho
发型：JamieLeeHair
造型：Matthew Chan
服装：Loewe
场地：海洋公园万豪酒店

观众成Jay尝试跳舞最大动力

“会跳舞！但系跳得好唔好睇，我唔担保。”看似对跳舞带点恐惧，其实Jay在上年底的两次演唱会中也蠢蠢欲动，尤其10月与Janice合作的演唱会中，他在《因爱之罪名》前设计一段经典Solo Dance向Michael Jackson致敬，令台下观众忍不住尖叫。他直言早在《我是现场》时已经想与Ian一起跳舞：“想㗎，但系𠮶个show（准备）时间唔多，冇乜时间去练舞。所以同Janice嘅show系贪心啲嘅，想跳下，而导演想我跳Michael Jackson，最终有好多人好开心，唔知系咪好睇啦，但系听到好多人尖叫，突然间就哈哈哈咁笑。最紧要系佢哋睇得开心。”

四面台同时考验体力、记忆力

首度挑战四面台，Jay笑言考验的不只体力，还有记性：“我记性好差，可能四面台唱歌要知道自己要喺边个位，其实有好多嘢都要记。可能我哋踩台嘅时间都唔多，我谂一日都冇，好多嘢自己都要执生。同一时间都要花啲心机记歌词，记好自己啲舞，呢啲都好紧要。”Jay早前在Chill Club颁奖礼中都有表演项目，率先体验在Star Hall开四面台的感觉，但在他眼中，这次演出的参考价值有限。他解释：“我上去嘅时候都只系望住一面，唔系周围望。同T-Ma（马敬恒）嘅部份，因为前面有镜头影住我，所以我系望住个镜头，唱完就离开；同MC（张天赋）合唱嘅时候基本上系对望，之后望下左边，望下右边，转个头原来首歌已经唱完要落台，所以都冇乜时间可以消化。所以自己个唱嘅四面台嘅感觉应该会好唔同。”在访问后，Jay也担任轩仔红馆个唱嘉宾，正好有了另一个体验四面台的机会。

未因延期影响心情

Jay一直都说难以从过往作品中挑选自己最喜爱的作品，因为每一次创作新歌的目的是记录当下感受，例如最近推出的新歌《Freakin’ Nightmare》诞生于第五波疫情期间，面临市道再次变得冷清，一切推倒重来的无奈：“面对疫情真系好攰，依家已经进入第3年，好多嘢都未可以实行，呢首歌就系咁而写咗。”Jay也是受年初疫情影响的歌手之一，记得在上年圣诞节时，他在签唱会中宣布今年3月举行个唱的好消息，结果好事多磨，个唱延期至下月举行。他坦言最初收到消息时有点不开心，但问到会否觉得灰心，Jay即说：“我冇呢个资格，因为有好多人，特别系呢行嘅朋友，佢哋开show都系要延期，甚至系取消，其实有机会喺今年开show已经好感恩，系要好好把握嘅机会。当初的确有唔开心，但系唔紧要啦，依家有得开咪几好。”

疫情下赴加国见女友假期告吹

除了演唱会，Jay也说疫情下自己失去一个喘息空间。在2021年，Jay除了两度站上Star Hall和推出EP《Life / Line》，也先后为Ian、MC等歌手写歌，甚至在朱艳强（即少爷占）《BOY BOY》中首度担当监制角色，在工作以外也开始积极减肥，他自问上年没有偷懒的空间，确实在今年初很想安排一段时间好好休息：“上年做咗咁多嘢，都系希望今年一月可以放个假，而呢个假系想去见另一半，但系疫情爆发后都冇呢个机会。𠮶段时间确实系好唔开心，好攰，但系同时间都会想像，如果有一日可以飞的话做乜好呢？我谂咗好多开心嘅嘢。于是谂到，虽然呢一刻系唔开心，但系我有一个希望，所有嘢都会变好。”不论在副歌中的歌词，还是整首歌带来的阳光气息，Jay在新歌中道出自己在疫情爆发后一直存在心上的希望。

正因失去飞往加拿大见女友的机会，Jay坦言在疫情期间没有休息，继续音乐上的工作：“我系一定要继续做嘢，可能啲演出要延期，但系同一时间都要拍MV、做歌、帮人写歌，而呢啲嘢都系需要时间。未必系要出街工作，咁就继续喺屋企做。虽然唔系真系放假，但系起码都可以喺屋企唞下。”疫情缓和前，Jay已经在数星期内完成今年3首派台歌的创作，他透露接下来的第3首歌正物色合适的填词人完成歌词，才会开始录音工作。

幕前演出更放胆

谈到今次在MV中演技大爆发的表现，Jay在故事中要一人分饰8个角色，担当不同职业。他最享受扮演新闻主播，因为这一幕最能感受到自己在幕前工作上的进步：“呢个角色好唔似自己，我钟意试啲自己未试过嘅嘢，正如我嘅音乐未必可以界定系咩风格，因为我会成日试一啲新嘅嘢。呢个新闻主播系有啲疯狂，本身系好正常，但系佢慢慢俾呢个世界唔好嘅消息而变咗，其实做一个癫佬都几好玩。（豁出去？）我系觉得自己放咗，无论系喺台上唱歌，定系喺镜头面前做戏。如果你问我上年可唔可以做到呢啲角色，我未必会做得咁好，依家就好似开咗窍，唔知算唔算系，但确实系做到自己想做嘅嘢。”

如冇入行未必拣做音乐人

Jay在MV中“身兼多职”，原来现实生活中也不停想著一个问题：假若此刻不是一位歌手，自己的职业是甚么？Jay在入行前于电讯公司工作，他坦言：“如果唔系入咗呢行，我谂自己未必系做音乐啦，因为我系读Marketing（市场学），可能都系做紧关于marketing嘅嘢，或者系跟爸爸做生意。”不过，Jay也愿意在工余时间发展音乐兴趣：“（会Busking？）好难讲呀，加拿大咁冻，零下30度，喺条街度Busking真系好难呀，哈哈。不过讲真，我都会唱歌，我都试过喺一啲酒吧度唱歌嘅。我系会做呢样嘢，因为呢个系我嘅兴趣。”