关心妍演唱会｜母女档合唱乐迷劲兴奋　台上激罕谈及对爸爸感觉

《关心妍 Jade Kwan 约 20周年演唱会》昨晚（4/6）于红磡香港体育馆完成头场，当晚Jade身穿由陈华国设计的银色闪裙现身，两侧高叉大骚美腿艳压全场，苦候多年的歌迷用热烈的掌声支持偶像，见到Fans的热情，她也忍不住眼湿湿。

Jade一口气唱出多首金曲，包括《负担不起》、《庞贝21世纪》、《优先订座》等等，她台上表示极速筹备今次个唱充满挑战，但仍以最佳状态完成与歌迷的约会：“今次演唱会主题叫做约，约系一个信念，一份坚持，一个盼望。好耐以前上帝用彩虹与人立约。我哋世界好纷乱但我哋要有盼望，擡头望天空就知道上帝睇住我哋，就算几大雨都好，雨后一定会有阳光。虽然呢个演唱会好急，好惊心动魄，但系我带住一份Mission，一份坚持同信念，希望今日每一个你都有一个愉快嘅晚上。我特别珍惜呢次演唱会，虽然呢次演唱会比我之前任何一个演唱会都艰难，但今日见到你哋每一个我觉得好值得。”

今次Jade状态十足，除了献唱金曲外，更骚她的音乐才华，一时自弹自唱钢琴，更从台顶吊下色士风演奏。而囡囡心心亦担任嘉宾，母女档合唱《SMILE》令乐迷非常兴奋。不过当囡囡心心上台打筋斗时，Jade就显得紧张：“我多谢天父带咗呢位小天使比我，杨荣心我等咗你好耐啦！听讲你想喺红馆打筋斗，今日终于愿望成真啦？你洗唔洗拉吓筋先？得唔得㗎？”

呢晚Jade一共演绎近30首歌，当唱出歌迷点唱的“Side Track”时，歌迷和唱气氛非常热闹，她亦不时换衫，关心妍穿上高阶订造服（Haute Couture）品牌 Rahul Mishra 全人手刺绣蓝天白云图案长裙，该品牌更是首次赞助服饰予香港歌手作演唱会用途，每条长裙价值6位数！当Jade“重着”二十年前“战衣”勾起Fans回忆，而她穿上数米高的长裙，吊至舞台的高空，歌迷都肉紧大叫“小心啲啊”！

当Jade演唱《原谅的力量》时，她多谢妈妈的养育之恩，亦罕有谈及对爸爸的感觉，她坦言借着自己信仰开始学习原谅父亲：“呢几十年我都好嬲我爸爸，我唔明点解佢可以咁冇责任，唔揾我哋。我慢慢开始学习原谅爸爸，去揾返佢，点知我揾返佢一次之后，佢突然间中风，4日后就离开呢个世界。呢段时间我同妈妈、哥哥一齐作饶恕，同佢讲话我哋原谅佢，原来佢一路收埋封信喺身边，因为万一我哋揾到佢，原来佢一直都想我哋原谅佢。原谅咗佢之后，我心入面𠮶个窿好似填返好，冇咗啦，本身嘅苦都走咗，人生真系好短暂，我哋要珍惜眼前人。唔知佢有冇睇过我嘅演唱会，因为我冇邀请过佢，但今晚我想送呢首写畀佢嘅歌送返畀佢听。”

头场演唱会邀请“同年新人”萧正楠做嘉宾，二人十多年未有同台演唱，当萧正楠现身时全场尖叫成为个唱高潮之一，二人台上合唱《特别鸣谢》，萧正楠与Jade“想当年”：“哗！真系好多年啦！好多年都冇唱呢首歌，好多朋友都喺K房唱呢首歌‘炒车’，谂翻当年拍MV，发现Jade咁多年都冇变过，大家要比多啲掌声Jade，真系眨吓眼原来过得咁快，多谢Jade邀请，比我有机会再喺红馆度体验。”而Jade就话眼到萧正楠即刻“青春晒”：“好多Fans都话叫我揾翻原唱出嚟，终于请到萧正楠嚟啦，大家开唔开心啊！”直到演唱会尾声演唱《关心...心妍》，Jade忍不住落泪，歌迷纷纷高呼“唔好喊啊！”。