张敬轩演唱会︱与邓丽欣合唱《十分爱》　轩仔重提前度方力申互窒

张敬轩的红馆骚《The Next 20 Hins演唱会》连日来每场次均请来两组嘉宾，5月26日晚除了新晋女子组合COLLAR，更有相识15年的邓丽欣（Stephy）！二人合唱《十分爱》兼在台上互窒，轩仔更大胆重提当年Stephy与方力申的一段情。

轩仔与Stephy在十五年前因为拍摄电影《十分爱》相识，轩仔笑称一直不敢重温：“电影上映多年至今都唔敢睇，又干、又瘦，好似冇运行咁，但由于今晚的表演，在后台化妆时重温片段，我忍受不到两分钟就熄咗。”Stephy亦坦言：“我重温片段都觉得自己演技麻麻哋，记得当日拍呢幕已经是系凌晨四点，本来在房瞓咗嘅我俾导演叫醒埋位。好记得望住你弹琴，明明一个靓仔、有才华的背影，但我却呆滞地望住你。”

轩仔在此时突然抽水重提当年Stephy与方力申的一段情：“你当时望惯另一个靓仔吖嘛，哎吔，年纪大开始乱讲嘢。”Stephy相当大方为轩仔笠高帽：“觉得剧情都唔系太好，戏入面你有才华又靓仔，点解戏入面唔系拣你而系拣阿力（方力申饰）呢。剧情唔系好得。”呢一刻轩公又忍唔住爆金句，“戏外十几年后，你拣番我咪得啰！”观众即时大笑欢呼拍掌。