张敬轩开红馆骚不忘出新歌　MV亲自上阵穿越元宇宙弥补散失遗漏

正举行《The Next 20 Hins Live in Hong Kong》演唱会的张敬轩不忘为乐迷带来新作品，今日（12/5）推出的全新作品《赛勒斯的爱》，正是早前英皇娱乐宣告进军元宇宙后，轩仔所属的“Hinsland”主题曲，原称《元宇宙之恋》。MV于下午六时上架。

歌曲的创作背景是轩仔近月来十分感兴趣的题目：人工智能（AI）。“由于我哋今年有Metaverse的project，而Metaverse入面除咗大数据，其中一样都好重要嘅就系后台AI嘅编程。”在元宇宙的计划中，有轩仔自己设置的两个分身：Hertz及Cherlas，二人均由AI系统发展而成。

歌曲及MV的故事是一个“联想”，轩仔相信AI在不久的将来，会有自己的思维、情感：“所以今次呢首歌系讲喺Metaverse入面两个参与AI project嘅数码人物，佢哋冇按既定程式去执行命令，佢穿破咗版块、链块计法，两个人之间开始有人类感情。而佢哋喺现实生活当中，两个人因为性格唔同而冇办法相处、相爱，但当佢哋进入到元宇宙，因为大家都系行紧同一个logic，所以系元宇宙入面，大家系可以得到相处、相爱嘅机会。”而这正正反映出真实世界人们所面对的情况：“喺元宇宙当中，大家可以选择一个角色畀自己、可以实现到好多现实世界唔可以实现嘅嘢，甚至乎有啲感情，可能现实当中大家唔可以喺埋一齐，但喺元宇宙当中大家系可以一齐相爱同相处方式，就系呢首歌的创作背景。”

MV中，轩仔饰演赛勒斯，他能任意穿越现实与元宇宙，只要轻触耳背上的传送键，便可穿越到元宇宙空间。一次轩仔在虚拟世界中错下决定，对明明心仪的女生却断言拒爱，他误信在虚拟的元宇宙空间作这决定，伤害性会同样虚幻似无，但情感的穿透力既穿越时空，也穿越身心，不但令对方留下一道伤痛烙印，更甘愿遗弃自我，断送现实中纯洁的灵魂。

创作班底方面，轩仔找来两位瑞典音乐人SAMDELL及Amadeus Sögaard作曲，“其实我同SAMDELL系网友，因为我见到佢最初有帮Justin Bieber几只歌重新造过一个concert的live arrangement，所以我就联络咗佢，同埋佢亦有帮好多韩国歌手、组合作曲，所以佢系十分熟悉亚洲乐坛曲风；Amadeus嘅daddy系瑞典一个好出名嘅歌手，佢自己亦都系一个好好嘅歌手。”填词由T-Rexx操刀，同时亦是二人首次合作，“我睇过佢近期嘅作品，觉得好有心思。呢位新晋填词人喺文字、喺画面嘅叙述，或者心情嘅表达上，都系好擅长。后来识咗佢先知道原来佢系rap人，我就觉得佢会做啲好有态度嘅音乐，但系写情歌又写好好㖞，感情好细腻。”