张国荣逝世19周年｜黄子华曾唱《第一次》　讽听众唔明歌词照点歌

一代巨星张国荣在19年前的今天（1/4）离世，消息震撼所有乐迷和影迷。过去“哥哥”留下不少经典金曲，但歌迷透过音乐缅怀偶像的同时，又是否得知歌词表达的真正意思？黄子华就在15年前的栋笃笑《越大镬越快乐》中，不但说起部份听众对《第一次》的误解，更决定在台上高歌一曲。

子华在台上自认是张国荣的歌迷，在听歌的同时会对歌词非常考究，认为歌曲要在适合场合点播或演唱才合适，偏偏1985年推出的《第一次》，他认为有些听众点歌的目的与歌曲本身的信息相差甚远：“啲人好钟意点嘅，因为歌名叫做《第一次》，好好点嘅，你哋都有好多个‘第一次’㗎嘛。美玲今日第一日返幼稚园，我哋就点《第一次》畀佢听！或者姨婆80岁第一次电发，我哋又点《第一次》畀佢听！”

为了让观众听清楚《第一次》的意思，子华不但在台上一字不漏地唱出来，更邀请女观众上台，与她们近距离接触。他坦言事前已经向填词人黎彼得请教过：“我作为一个知识份子，我要尽责。我特登前几个礼拜问过张国荣……嘅填词人黎彼得。我问佢呢首歌讲紧嘅‘第一次’系咩，佢好爽快咁答‘咸湿啰！’但系我哋竟然唱咗呢首《第一次》咁多年，好多人都唔为意呢样嘢。”

后来子华说著听众不太理会歌词意思，原来是普遍香港人的生活模式和态度：“我哋都唔可以成日问呢样嘢有咩意思、意义，即系你唔可以返工𠮶阵问自己‘有咩意义’，唔信嘅你听日返工一坐低就问自己，你会想走㗎。奉劝你唔好问自己，问老板，咁你听日就可以唔使返。”不过他也明白，有时候不深究每件事背后意义，会令自己生活轻松得多：“好似每一样嘢你都问有咩意思，做人有时候会好难做落去，就好似一代金曲，如果你听得明白里面其中一句歌词嘅真正意思，你唔会唱到落去。”