声梦JUNIOR｜Eric Kwok认见参赛者喊会心痛：只系忍住唔显露出嚟

无线（TVB）歌唱比赛节目《声梦JUNIOR》今晚（13/3）将播出第二集，18位参赛小朋友分成三组，将角逐10个晋级席位。今次担任总监督的Eric Kwok（郭伟亮）在首集已经扬言要将节目视为《声梦传奇2》前哨战，更说：“《声梦JUNIOR》唔系一个儿童节目。”在预告片中，严格的评语不仅令小朋友流泪，就连家长也哭成泪人，他接受《01众乐迷》访问时分享担任总监督的经历，原来Eric之所以保持严厉，背后也与小朋友成长阶段有关。

以成年人方式沟通更畅顺

虽然年纪少少，但Eric认为参赛者已经表现得很成熟，因此在沟通方式上也需要调整：“其实佢哋一啲都唔细个，思维都几似大人。啲细路喺呢个阶段系钟意啲大人当佢哋系大人咁倾偈，你愈尊重佢哋，佢哋就愈会听你讲。所以我嘅评语通常都唔会点修饰，亦唔会刻意地苛刻，只系好直接、真诚咁讲畀佢哋听，咁样讲法佢哋反而会更愿意接受。佢哋父母或者身边嘅朋友，平时未必会咁直接同佢讲，而呢个阶段佢哋都唔会见到咁多负评，嚟到呢度就可以开始锻炼点面对呢啲咁严厉嘅批评。”

镜头前保持严厉

遇到参赛者在自己面前哭，Eric在预告片中直斥“点解要喊”，但私底下却与很多家长一样，看到他们流泪都会心痛：“我只系尽量忍住唔显露出嚟。呢一部份会有其他导师安抚佢哋，我嘅角色永远都系公平、公正、严厉。”哭是小孩抒发情绪最直接的途径，在Eric眼中也是好事：“实在有好大压力、竞争，除咗节目入面嘅压力，家长畀佢哋嘅压力都好大，喊出嚟绝对会舒服好多。呢个节目最紧要嘅唔系赢输，而系有一个咁珍贵嘅经验，讲真有几何会入嚟见到呢班导师，用TVB嘅设计嚟学嘢，呢啲系有钱都买唔到。同埋喺呢个时候识到朋友，相信会系一段识于微时，好长久嘅友谊。”

盼家长放手让子女发展所长

虽然没有直接与家长沟通，但Eric认为他们已经有心理准备，让子女提早接触现时世界中的娱乐圈。与此同时，他希望家长能学会放手让儿子发展所长：“啲细路由细到大都系你睇住，保护住，控制住好多嘢，确保大部份时候唔会令佢哋受伤。但系畀得细路入嚟，我谂佢哋都系第一次放手，呢件事对家长嚟讲会系一个好好嘅学习，因为佢哋迟早都要放手。畀佢哋入嚟呢个节目，如果唔放手，佢哋唔单止会好辛苦，仲会俾啲细路好大压力。”

视咬字为学员表现分水岭

谈到参赛者的水平，Eric早前曾直言首届《声梦传奇》毕业生炎明熹（Gigi）会遇到挑战者。虽然没有点名赞赏，但他认为不少参赛者在唱功上的水准能与Gigi一拼，但仍需注意许多细节：“确实有好几个喺唱歌技巧上同Gigi有得fight，但系佢哋好多咬字都有问题，唱英文歌就有得斗，但系唱广东歌就差一截。”他说参赛者的唱歌、跳唱水平都令他大开眼界，直言对乐坛发展充满期盼。