Supper Moment无惧与内地公司合作搞巡唱：好清楚自己想做咩

乐队Supper Moment昨日（5/1）在《香港金曲颁奖典礼2021/2022》记招前接受《香港01》访问，在回顾2021年，四子除了谈到年底与任贤齐合唱外，也说起在圣诞期间举行的《Everything In The Box》音乐会。问到当时挑战自己作曲的《人类群星闪耀时》，主音Sunny（陈仕燊）也不禁佩服Jer（柳应廷）的唱功：“其实首歌都真系几难唱，好记得我哋唱完返入后台，Carl叔叔（王双骏）都话首歌真系难唱。但系谂返，其实呢首歌系我写嘅，所以呢个都可以话系自作孽。”

记得早前在访问中提过，Supper Moment在来年将展开巡回演唱，Sunny透露今次将与内地公司合作：“我哋同新嘅公司合作，系一间内地唱片公司‘太合麦田’，希望将来嘅巡唱可以有一个更加好嘅规划。对我哋嚟讲，做音乐最紧要系做返自己节奏，最希望系可以喺巡唱期间继续创作、出专辑，呢样嘢对我哋4个嚟讲系目标。”问到与内地公司合作，会否担心再次引起网民激烈讨论，Sunny坦言：“网民嘅意见我哋系在意嘅，意思系呢啲会系鞭策，系我哋想做好自己嘅动力。但系同一时间我哋话唔在意嘅原因系，我哋好清楚自己想做嘅嘢系咩，做音乐同表演最紧要系享受成果，相信好嘅音乐同现场演出系会有一种力量畀大家。依家系有疫情，希望疫情快啲稳定落嚟，大家都揾得返自己嘅生活节奏，呢样嘢系我哋最想大家做到。”