Omicron｜AGA担心处女红馆个唱告吹爆喊：自己好想做到呢个骚

AGA（江海迦）今日（5/1）现身电视城，出席《金曲颁奖典礼2021/2022》记招。她接受《香港01》访问时认为两个颁奖礼合二为一是件好事：“由电视台合办，大家嘅表演都可以喺电视台度睇到，听到我哋嘅作品。过去两年颁奖礼都有好多唔同形式出现，无论大家听唔听到自己嘅作品，大家都好落力咁做，年尾嘅颁奖礼系一个好好多谢团队嘅时候，多一个平台、舞台，多一个表演机会，对每一个歌手嚟讲都好重要。”

最近AGA家人完成隔离，可以共聚天伦之乐，虽然姐姐没有随父母来港，但也足以令AGA感到非常高兴：“已经有两年几冇见屋企人，好似突然间多咗个人照顾自己，呢一排好珍惜同屋企人相处嘅每一刻，我谂所有人都系。”这次父母特意回港，欣赏AGA首个红馆演唱会，但在Omicron病毒肆虐下，本港爆发第五波疫情，本地表演场所需要关闭至1月20日，被问到会否担心演唱会需要再度延期，AGA在访问期间落泪：“呢样嘢自己都会有啲担心，……因为团队一路都好努力，自己好想做到呢个骚，过去一年嘅努力，团队都系……不过都要保持正面，同埋依家仲未有定案，无论今次开到定系之后再开，都会觉得好特别。”