2022跨年｜曾比特被林子祥摸头后唔洗头　陈凯咏对叱咤攞奖冇信心

除夕夜晚（31/12），各区都有倒数活动及跨年演唱会，而《2021美丽的夜 香港跨年演唱会》就在中环海滨活动空间举行。曾比特（Mike）除了献唱新歌《奔跑吧！》外，也与泳儿和林子祥合唱《成吉思汗》、《阿里巴巴》和《狂欢》，期间阿Lam更摸著Mike的头，似乎对他的爆炸头感兴趣。

Mike和师姐陈凯咏（Jace）在表演后接受传媒访问，谈起阿Lam，Mike即笑说：“佢问我个头系咪好乱，我谂今晚唔会洗头，今年都唔会洗。（紧张？）几紧张，佢系我由细听到大嘅前辈，都会唱佢好多嘅歌，竟然今次有机会合作，所以我好紧张，亦好兴奋。佢一路唱歌，啲嘢话嚟就嚟，希望未来嘅日子可以唱到好似佢咁。”

Jace今晚演绎《收声多谢》及《I Wish》，但没有机会与前辈合作。她期待能与杜德伟合唱：“因为我爸爸好钟意杜德伟，所以我细细个已经听佢嘅歌，头先佢唱嘅歌我都识，希望下次有机会‘脱掉脱掉’，哈哈。”

元旦日也是叱咤颁奖礼举行的大日子，Jace指准备战衣其次，希望著得轻松，以最漂亮一面见各方好友。谈到是否对夺奖有信心，她坦言：“真系冇乜，我觉得奖唔系咁容易就攞到，畀心机做多啲歌先，之后先谂奖项嘅嘢。”Mike则指自己以平常心看待：“我冇一个好大嘅谂法，信心一定要有，但系要以平常心面对。最重要系喺新一年嘅聚会，可以见返好多好耐冇见嘅朋友，所以系期待，但系唔会有争胜嘅心喺入面。”