张敬轩演唱会｜自爆初恋与梁咏琪系饼印：依家已经嫁咗人，好幸福

张敬轩《The Next 20》演唱会昨晚（30/12）顺利完成第六晚演出，轩仔请来女神梁咏琪（Gigi），轩仔更自爆中五初恋的女朋友，样貌与Gigi非常相似，只是矮她半个头。他表示读中学时，Gigi的电影及好几首歌，陪伴着他十月芥菜的时期，自己中五、六时的一段恋爱，择偶标准都用Gigi作蓝本。每当他听到女神Gigi的歌，甚至见到本人，都会觉得有一种魔力，带他返回青葱岁月的浪漫时光。

在与Gigi合唱《两个人的幸运》后，轩仔即感谢女神，Gigi即笑说：“哎呀，唔好叫我女神啦。我系咪真系同你个女朋友好似？”轩仔就比量道：“佢矮你半个头咁啦，不过依家已经嫁咗人，结咗婚，个老公仲好似系生意人，好幸福。”Gigi反问轩仔：“咁你系咪好伤心呀？”轩仔话：“DRY少少咁啦，不过都冇乜嘢，讲返我求学时期成日听你哋歌......”Gigi就马上插口：“喂，咪住先！我Google过，其实我大你几年㗎咋！你唔好讲到我好似大你几代咁。”

接着Gigi分享一段与轩仔有关的故事，“2015年，当时我哋有一位共同朋友，佢爸爸有病成日出入医院，妈妈年纪又大照顾唔到，你身为佢朋友，知道佢难处之后，就同佢讲，我屋企有个司机，不如用我个司机车你爸爸去医院啦。当时佢好多谢你，减轻咗佢负担。过一段日子，呢个朋友更发现，原来当年所谓轩仔司机，唔系你司机，系你特登出钱包起架车嚟帮佢。你真系私下做好多好事㖞。”轩仔马上谦称：“帮到人系我福气。你点解知咁多嘢㗎？今晚我拣咗我当年最钟意个首十月芥菜歌，每次一听呢首歌我就春心荡漾。”接着陪着Gigi台上一起唱《一天一天》作结。