张敬轩演唱会｜为郑欣宜成绩大跃进感骄傲：唔再活喺屋企人光环

在圣诞节（25/12），张敬轩《The Next 20》演唱会于红馆完成第三场，当晚嘉宾是郑欣宜（Joyce），是她继2016年《郑欣宜女神有问题演唱会》后再与轩仔同台。她戴上小鹿头饰化身圣诞女神，一出场即与轩仔合唱代表作《女神》。

轩仔台上坦言：“每一次所有公开活动，无论我几咁瞓唔醒，几咁moody ，一见到佢我就开心，佢永远带更好多正能量畀人，好sweet ，每次都畀我一个好大力好大力嘅拥抱 。”Joyce则笑说：“我每次见皇上，你都会喺个角落偷偷地望住，喺到偷笑。（轩仔：好似痴汉咁？）我心谂，你一定系好钟意我......”轩仔即时抵死回应：“你谂多咗啦，哈哈哈。”

轩仔赞赏Joyce今年成绩令自己觉得鼓舞：“喺好多颁奖礼，或者网上见佢新歌释出呀等等， 我都觉得好骄傲，因为今日嘅Joyce已经唔再系活喺屋企人嘅光环下，系一个独立嘅Joyce ，你嘅汗水会得到回报，我有预感你今年有好成绩！”全场即响起掌声。Joyce也说自己期待轩仔能在今年颁奖礼上有斩获，又续指自己很高兴能与轩仔一起合唱，轩仔继而笑说：“哗，你讲一齐我个心即刻淆一淆。（Joyce：我知你系钟意我㗎！）系嘅，梗系啦！”及后Joyce再唱出《先哭为敬》。

平安夜，轩仔有抢bear山圣诞装，圣诞节他就特别换上一位英国年轻新晋设计师Richard Quinn为他特别订制的闪钻新衫，据知衫用金银线缝制，上面一共钉有十万粒珍珠加水钻，重近20KG，价值六位数字。