新城2021｜炎明熹抱恙缺席　姚焯菲感不舍：㖊晚睇唔出佢唔舒服

姚焯菲（Chantel）今日（12/12）现身红磡，出席新城举办的《新人大热唱2021》，并献唱《原来谈恋爱是这么一回事》。 不过好友炎明熹（Gigi）却因病缺席，Chantel在表演前接受《香港01》访问时，直言感到可惜：“我唔知道佢有咩病，但系我知道佢有少少唔舒服，所以今日就冇出席。我有啲挂住佢，因为㖊晚先见完佢，但系今日佢突然间嚟唔到，所以有啲唔开心，不过依家应该ok嘅，休息吓就冇事。（㖊晚已经唔舒服？）佢冇同我讲，因为佢平时都系好静，我又睇唔出佢有唔舒服。”

虽然过去已经出席过不少商演，但Chantel直言今次表演仍有点紧张：“我未试过喺咁多歌手面前唱，平时都系同‘声梦’学员一齐，但系今日有咁多位新人歌手同佢哋嘅粉丝。”在访问前，Chantel也有欣赏李妍和陈泳伽（Winka）的演出，她大赞二人非常有实力：“佢哋唱嘅实力好稳阵，同埋佢哋都压到台。”

新城2021｜乐坛新人齐集红磡献唱造势　炎明熹因病缺席

谈起早前翻唱MC（张天赋）的《记忆棉》，Chantel指当时正在学唱歌，课后也有一段空余时间，老师知道自己曾与MC合照后，便建议翻唱这首歌。原来Chantel不知道MC同样是今年出道的新人，谈到二人会否顺应歌迷意愿一起合唱，Chantel称要视乎公司安排：“我唔知自己有冇时间，会唔会有好多工作。（自己想唔想？）真系有呢个机会嘅话，当然好啦，但系要睇时间。”