《记忆棉》落榜网民斥商台造马 张崇德：呢个乐坛不嬲都系游戏！

资深音乐人张崇基和张崇德今日（10/12）现身黄埔出席新城电台节目访问，为夸年演唱会宣传造势。提到近日有指歌曲《记忆棉》在播够数情况，遭商台强行剔出叱咤专业推介榜，令一众网民大为不满，质疑商台有意为Edan铺路夺男新人金奖：更直指：“造马造到咁，唔使投票啦！直接颁奖俾Edan”。

张崇德笑言：“呢个乐坛就不嬲都系游戏嚟啦！而我又想问吓大家一个问题，点解我哋嘅歌近呢二十年嚟点解又会冇上过榜呢？究竟系咩原因呢？不过，其实每间电台都有佢哋嘅准则，咁所以我哋要继续做好音乐，奖唔系代表一切。其实而家都见到好多受欢迎嘅歌手，呢样嘢已经代表佢哋系有咗好成绩，咁所以有奖定冇奖，就唔系特别太过着重嘅一样嘢。（想有奖攞，是否都要夹埋人情面之上？）唔好讲乐坛，我谂全世界都有呢一种情喺度，其实咩行业都有。但我哋其实都好有情，但点解冇人同我哋倾吓，哈哈！”