张敬轩谈与MIRROR力拼我最喜爱男歌手：好多Followers都系镜粉

张敬轩在昨晚（28/11）出席完《星光熠熠耀保良》后，深夜回到家中开Instagram直播。过程中Tyson Yoshi（程俊彦）和林家谦先后现身直播，即使三人一同上线时已经是深夜3时，但也能吸引超过一万名网民观赏直播，期间他们更玩起IG滤镜，场面相当搞笑。

其实轩仔当晚开直播，除了担当观众的树窿，聆听他们的困境和心事，也趁机分享目前在工作上所面对的压力。他坦言面对传媒近日问及，自己要与另外4位MIRROR成员力争“叱咤乐坛我最喜爱的男歌手”时，也怕自己说得不够好，因此隐藏部份自己的想法。他续指：“无论系入咗几多强，我入咗行咁多年，成日都觉得喺乐迷嘅角度，又唔系拣老公，又唔系拣自己身边嘅伴侣，Why not both？”他也发现有自己的歌迷，同一时间也是忠实的“镜粉”：“我成日都见到姜涛、Anson Lo、Ian嘅头像喺我嘅IG度，𠮶啲全部都系来自镜粉。”

面对乐坛出现新景象，轩仔坦言面对世界和行业内的转变，自己也多了值得思考的课题，认为MIRROR只是引子，事实上其他传媒、网媒涌现，令整个业界的生态也变得不同，直言感到有压力：“你可以话系多咗选择，但系其实观众都多咗平台睇你，了解你，甚至因为有好多嘅真人骚、选秀活动，系会更加立体咁见到一个artiste揸咪唱歌以外系点。我觉得系好大压力嘅，因为喺呢个环境你要适应、要改变。”

轩仔也点名推介Gareth T.（汤令山）、Tyson Yoshi和MC（张天赋），认为一众年轻歌手开始为乐坛带来一股新力量：“我都有睇MC嘅Live，佢哋都有用一啲‘语气助词’，我觉得系好真实。我哋要接受眼前一切，因为呢啲新现象发生系有原因，我哋生活紧嘅世界都变紧。”他直言自己不喜欢过去行业的风气：“我唔钟意细个𠮶种‘造神’嘅活动，呢个时代唔系你话系乜就系乜，系大家话系乜就系乜。每个人都系意见领袖，有权讲任何意见。所以对于自己嘅接受、反思嘅能力，其实都系一个新嘅挑战，有好多课题要自己做。”