叱咤2021｜Edan冲新人奖随缘 Lokman明年发力：直接冲男歌手

商台今日（8/11）在昂坪市集，为《2021年度叱咤乐坛流行榜颁奖典礼》举行记招。获歌迷冒著恶劣天气守候的男团MIRROR，在记招后接受传媒访问，队长Lokman（杨乐文）直言非常担心歌迷：“一嚟要佢哋上咁高嘅地方，我都已经有少少担心，然后再喺（歌迷）组群见到㖊日比较大风大雨，就真系好担心，觉得佢哋好阴功。好彩场地𠮶边开咗一个地方，派咗啲暖水畀佢哋，我就安心少少，但系下次都系太夜、太大风、太大雨，我宁愿你哋早少少先嚟。”

问到赛前有预测指MIRROR有望赢组合金奖，AK（江𤒹生）坦言以平常心看待：“我哋做音乐最开头嘅初衷都唔系为咗呢个数据，奖项方面就真系慢慢嚟，因为我哋做嘅歌都唔系为咗奖项。”被视为新人金奖大热的Edan（吕爵安），也对奖项顺其自然。同样被列入为今年新人的Lokman直言自己只有半首歌，得奖机会非常低，不过对未来冲击歌手奖有信心：“等下年唔系新人嘅时候再出多啲solo，直接冲个男歌手返嚟！”此话一出即惹来队友起哄，纷纷大喊支持。

网上流传一条有关姜涛打篮球的片段，他承认：“我以前打波系冲动啲，所以到我依家成为一位艺人，之后打波再遇到有质疑冲突，我会做返好啲。”至于Jeremy（李骏杰）被人拍到抽居屋，被问到是否因收入增加而希望转换居住环境，他说：“好彩啫，多谢大家关心。”MIRROR将在年底出席除夕活动，但要求观众必须打齐疫苗，他们都表示理解做法。至于有记者问到是否要把握机会要政府认识MIRROR，Lokman指一切随缘。