泳儿新歌延续“海洋系列”　受恐怖潜水经历启发：㩒唔到个浮水掣

泳儿（Vincy）今日（1/11）推出新歌《沉溺》，作为“海洋系列”的第二章。前作《荆棘海》谈及要穿过荆棘往前游，而新歌则提到主角为了爱向下沉。Vincy今次继续与填词人周耀辉合作，她表示歌词源自首次考潜水牌及潜水经历：“遇到一个小小嘅意外，当我想浮上水面嘅时候，我㩒极救生衣个浮水个掣都㩒唔到，𠮶刻我觉得我系会死喺水底。辉哥听完我呢个故仔后，就将我呢次嘅经历写咗喺《沉溺》入面。”

这次以爱情角度出发，道出爱到可以放弃呼吸、爱到窒息的感觉，Vincy更透露周耀辉填这首歌时，差点填到窒息：“佢系辛苦到填到就嚟想死咁，我第一次听嘅时候，好似有一种我自己都觉得好似濒死嘅感觉，好似就嚟唱到要死啦。”

MV拍摄继续找来合作无间的Sheng执导，今次不论故事大纲，还是Vincy的参与度均有别于之前的MV，她说：“之前嘅MV其实我嘅参与度系好多，由头带到落尾、又典泥、又歇斯底里咁喊。今次有一大部份系有好好嘅演员帮我去演绎咗个故仔。而故仔里面，系关于两个女仔嘅关系，系超越咗友谊、超越咗性别𠮶种爱、𠮶种沉溺。MV当中亦都有一啲穿越嘅元素。当我沉落去泳池底嘅时候再浮上水𠮶一刻，其实我系穿越咗去另外一个世界。”

至于整个拍摄都要浸水，Vincy直言一点也不辛苦，原来她十分喜欢游泳：“我其实系几钟意游水，咁我都好耐冇游水啦，哈哈，所以头先break嘅时候都乘机游咗两吓，但发现：‘咦！好似有啲生疏㖞，又有啲唔够气㖞……’”她更说自己跟“水”有缘：“以往很多MV都同水有关，自己个名又有水啦。拍MV水同典地都试过，未试过喺空中，唔知下个mv会唔会飘浮喺空中？我自己都好期待。”