ANSONBEAN衬万圣节度桥排舞一脚踢　神还原《鱿鱼游戏》经典场面

创意多多的ANSONBEAN（陈毅燊），因为最近成日发梦玩“鱿鱼游戏”，而且爱上Lil Nas X Jack Harlow的新歌《INDUSTRY BABY》 ，他决定趁万圣节制作自家企划，一手包办度桥、排舞、录歌、租场和道具，大呼过瘾。

ANSONBEAN几个月前翻唱《MANOLO》，拍了一个黑夜狂舞版，大骚舞技，今次他决定玩更大，加入戏剧元素。他穿上《鱿鱼游戏》“456｣ 号绿色运动服，被戴上三角、正方和圆形图案符号面具的红衣人胁持，他踎在地上舔椪糖。镜头一转在Club大舞场，ANSONBEAN换上型仔黑色西装与红衣人劲舞，拥有强劲的他更一度跳到爆钮，全场哗然，连他自己都忍不住大笑。

今次自家企划筹备一个多星期，期间撞正担任少爷占的Talk Show表演嘉宾，ANSONBEAN坦言时间紧迫好大压力，但顺利完成特别开心：“我好钟意做跳唱cover（翻唱），最近钟意咗《INDUSTRY BABY》呢首歌，然后又成日发梦玩‘鱿鱼游戏’，加上歌词同个剧嘅故事呼应到，又适逢Halloween，就夹埋一齐玩大佢！”由策划到每个细节都一脚踢，辛苦但过瘾：“今次全部由我策划，由度桥、揾道具、地方、演员、排舞、录歌等，筹备咗一个多星期。自己一脚踢自由度好大，但要准备嘅嘢好多，全部自己搞掂，好有成功感。录音过程学到好多嘢，能提升唱功，好好玩，同做自己嘅歌感觉好唔同。”他感谢排舞师和导演协助：“今次邀请咗Jervin老师排舞，同埋上次喺《CRUSH（on no!) 》跳舞版合作过嘅Louis导演，我哋三个开咗好多次会，有佢哋协助，令成件事升华。”

之前企划以跳舞为主，今次加入剧情，一直希望拍武打片的ANSONBEAN，藉著今次企划自肥一番：“最有趣拍打交戏，加埋‘鱿鱼游戏’经典场口，好啱Halloween。下次可能会打得再劲啲，今次比较随意，下次认真度啲更劲嘅场面，例如打烂晒啲嘢，或者用刀用枪。（今次都有道具枪㖞！）唔系我用，我只系被人用枪射杀𠮶个！”他表示曾经在“万圣节”扮鬼修女与同学四处吓人，今年都会继续玩，至于造型就卖关子。