Anton@ONE PROMISE攞起鼓棍拍MV引悬念　预告11月中以新姿态亮相

乐队ONE PROMISE昨日（25/10）现身ViuTV参与音乐节目《Chill Club》录影，除了献唱新歌《平凡人的自传》外，也与MIRROR成员AK（江𤇹生）和Lokman（杨乐文）编排一段长达10分钟的medley。主音文迪透露今集将为观众带来新惊喜：“我哋喺拣歌嘅时候已经好有火花，大家都扔咗好多嘢出嚟，加上我哋有一啲新转变，所以之后再倾就同本身扔过出嚟嘅歌有啲唔同，但系都拣咗一啲好玩嘅歌。”

在《平凡人的自传》MV中，鼓手Anton也有手持股棍的镜头，他解释：“其实做到系好似有打鼓啫，想畀个悬念观众，估吓究竟我到最后有冇打鼓。嚟紧出完歌后会有好多表演，观众一定要嚟睇，睇吓会有新面貌，定系我可以埋返套鼓呢？依家就唔同大家讲住，畀啲神秘感，不过我都有keep住睇医生，进度良好。（随时准备好？）上年有同大家讲过‘明年见’，ONE PROMISE最睇重系承诺，应承咗嘅就一定要做。”结他手天衡透露，11月中乐队将在赤柱参与演出，届时全新面貌的ONE PROMISE也正式与乐迷见面。