专访｜MastaMic盼后续创作融入香港特色：开始谂香港音乐源头喺边

粤曲、Hip Hop，两种截然不同的音乐风格，近年却有不同歌手和音乐人尝试把两者结合，带来一种意想不到的震撼。在11月13日，殿堂级厂牌LMF更尝试进军新光戏院举行《仲有音乐祭》，把一首又一首本地Hip Hop作品带入这个粤剧殿堂，三位年轻Rapper Novel Fergus、Novel Flash和Owen都直言非常意外，前者认为今次音乐祭与过去举行的方式有很大分别：“第一下会觉得系咪搞错位，同之前地下音乐（underground）嘅演出好唔同。”
在北角长大的MastaMic，虽然也认为今次音乐祭构思非常有趣，但与在旁的三位年轻人得知地点的一刻还要再寻找相关资料不同，他对这个地方并不陌生：“新光有一部份系用嚟做粤剧，但系佢本来系一个戏院，都有播电影，我细细个都有去过睇戏。依家已经唔同晒，真系主力做粤曲，日日都会见到李居明搞嘅《粤剧特朗普》。”MastaMic较早前推出的《食色》正正是把粤曲和Hip Hop融合，希望制作出具备香港特色的作品。
撰文：刘传谦
摄影：周倪莹

追溯香港音乐起源

MastaMic相隔三年再有新作，除了以香港人饮食文化为主题外，今次更尝试把粤曲风格融入Hip Hop音乐中。他直言近年创作方向都以发掘香港独特Hip Hop风格的元素为主：“我依家想做嘅音乐，系睇下点样可以令佢真系同香港有关系，除咗题材上、语言上，即系要Rap广东话之外，音乐上究竟可以点做呢？可能系我老土，我真系开始谂紧香港嘅流行音乐源头喺边度，如果大家真系有追溯下，粤曲其实都系其中一种元素，于是就开始谂，会唔会当中有啲嘢我可以吸收到，可以试下。”

数白榄并非香港Hip Hop起源

说到这里，很多人都会想到在粤剧当中出现的数白榄。同样以节奏感为主的表演方式，MastaMic则认为数白榄与Hip Hop仍有差别：“数白榄即系‘说白’，其实系粤剧嘅其中一种，但系呢种表演模式喺全世界不同民族或者语言当中都会出现，例如非洲部落都会有一种畀拍子，然后一起吟唱一啲嘢嘅方式。大家会好直接谂到呢样嘢，我会觉得同Hip Hop系有相近，但系好难讲话呢样嘢就系Hip Hop，例如我哋有嘅flow、delivery、押韵（Rhyme）嘅技术，好多嘢其实数白榄都冇，所以我只能够讲系美国传入嚟嘅文化，唔可以话系香港Hip Hop嘅源头。”

具香港特色元素引共鸣

究竟在四位心目中，香港特色的Hip Hop需要具备甚么元素？他们都异口同声地称一定要以广东话为主要语言， Owen称具香港特色的Hip Hop会更容易引起听众共鸣：“点解会唔听外国嘅Rap，人哋可能好过我哋好多，但系我哋都会选择听返本地嘅Rap，可能系因为我哋提到一啲嘢系香港先会有。（例如呢？）MV入面影到嘅霓虹灯、香港街景、港币之类。”

Fergus听过有歌迷反应，认为自己的作品有一股“佬味”：“即系佢哋会觉得有一阵‘陀地味’，我听到之后都觉得几过瘾。呢啲系美国嘢，应该好有黑人feel先系，但系我会用自己本身讲嘢嘅flow，变咗好似有阵‘佬味’，几得意。”

MastaMic则认为创作时除了引起听众共鸣，有时候还需要以自己想说的题材出发，与其一味迎合市场口味，不如透过新歌独特的题材吸引听众。他认为除了语言外，还需要在歌词上紧贴时代步伐，才能反映本地Hip Hop作品的特色：“最基本当然系要广东话，但系都要随住时代改变，识得用slang（俚语）。其实香港都有我哋嘅俗语，呢啲都好重要，开始喺文字上攞共鸣。例如依家唔会叫人‘老饼’，‘老鬼’都仲有可能。或者称号人哋女朋友，以前先会用‘你条菜’，依家系讲‘你条女’，呢啲就系年代唔同嘅分别。唔确定系咪可以话系潮流，但系确实需要时代变迁。”

要进步不能再想当年

这也是今次MastaMic愿意与不同Rapper合作的原因，他坦言过去甚少与其他Hip Hop界的人士交流，但最近希望听著不同人的想法，从中取得新的创作灵感或方向：“Hip Hop又好，语言又好，我哋都唔可以墨守成规。我好怕人叫我OG（指Hip Hop界元老级人物），呢个称号系冇意义，特别Hip Hop系年轻人嘅游戏，我喺佢哋嘅音乐身上学习，原来啲歌系可以咁做，自己都可以吸收到。唔可以再‘想当年乜乜乜’，‘想当年’系冇X用，文化系往前，特别系Hip Hop。”

撇除主流颁奖礼陋习提高认受性

明年2月，香港将迎接首个以Hip Hop和R&B作品专属的颁奖典礼《Whats Good Music Awards》，由殿堂Hip Hop组合廿四味成员Phat Chan及JBS一同创办。新颁奖礼的诞生，在Fergus眼中绝对是好事：“有好多人你永远睇佢唔到，或者好多人听歌，但系唔会睇MV，其实每一部份都有唔同人负责，都放咗好多佢哋嘅想法。同埋虽然系大型，但系如果系由我哋呢一代自己搞，可能都只系喺工厦得自己人知，只系得大粒嘢搞先会有能力做到大家都睇到，呢啲嘢一定系愈大愈好，如果唔系就会冇乜吸引力。”

而在MastaMic眼中，他看到第一届举行前夕已经引起极大回响，直言是一件好事。他期待往后能更进一步，避免现时主流颁奖礼的部份陋习，真正建构一个公平、公开、具认受性的颁奖礼制度：“例如外国嘅Emmy（艾美奖）、Grammy Awards（格林美奖），所有呢啲认受性高嘅颁奖典礼都会有一大班嘅评审团，作为不同奖项嘅音乐评审。当然有一两个奖属于乐迷投票系好嘅，作为表达佢哋意愿嘅平台，音乐本来系一项专业嚟，但系一个音乐颁奖典礼只系做投票，就有可能令本身嘅专业性减低咗。当然仲系第一届，好多嘢都需要时间推进，所以希望嘅都系尽力做好第一届先，之后再令认受性提高，甚至成为东南亚其中一个重要嘅Hip Hop界颁奖典礼，我会觉得更加理想。”