陈柏宇与Kiri T合唱英文歌　Chill住改唱法：本身好钟意咬实啲字

继早前与Serrini（梁嘉茵）合唱《网络安全隐患》后，陈柏宇（Jason）最近再与曾经涉足美国独立音乐圈的唱作女歌手Kiri T（谢晓盈）合作，重新演绎对方的《10,000ft.》。Jason坦言非常欣赏对方的作品：“因为佢啲音乐好refreshing，喺香港唔系成日听到，加上系英文，成件事爽啲。”

在选曲上，Kiri T坦言最初想与Jason合唱《本能寺》，而二人也有想过把《10,000ft.》和《本能寺》制作成一段medley（串烧歌），但考虑到整个企划的效果和新鲜感，Jason觉得挑战《10,000ft.》会更适合：“我觉得呢首歌有一种唔会两个人唱就变得超奇怪嘅感觉，呢一点好重要，因为我觉得有啲歌系写畀一个人唱嘅。我哋都倾过做medley，但系又唔系咁想，我觉得喺呢个crossover里面，如果我仲要唱啲之前已经唱过无限次嘅歌，我觉得会好闷，所以就拣咗呢首歌。”Kiri T也直言Jason帮助自己对这首唱作作品有更深入的了解：“呢首歌我都唱过好多次，都系自己唱嘅，而因为今次做呢个版本，我哋揾咗Nic Tsui弹结他，佢弹𠮶个感觉已经有唔同，然后我再听你唱嘅时候，个感觉又有唔同，其实系启发咗我去用一啲唔同嘅方法唱呢首歌。本身我整呢个版本嘅demo𠮶阵，我已经唱过第二次，但系录完你之后我又再唱过，我依家都了解首歌多咗。”

Jason坦言自己一直向往唱英文歌，而在Kiri T指导下，Jason也领悟如何处理英文歌咬字的问题：“因为咬字上可以有好多唔同嘅发挥，所以今次喺你眼中，我开头都咬得好紧。我本身都有一种好钟意咬实啲字嘅感觉，但系今次本身我觉得英文字冇广东话咁执著咬字嘅方式，反而Kiri畀到好多意见我，又或者引导到我去咬一种佢认为系松啲嘅方法，令到成件事可以chill啲。”入录音室无数次的Jason，在今次的录制过程中，发生了一件难忘事，他笑说：“当Kiri想我relax啲、‘un’啲嘅时候，佢尝试去同我做一个exercise，叫我揈下个人、松啲muscle，𠮶一刻我心谂⋯⋯哈哈！其实我觉得唱多几次自己就会有𠮶个feel。”

经过今次的合作，Kiri T对Jason改观，也笑言有种被骗的感觉：“合作之前，我以为佢好静㗎！但系合作之后发现原来Jason系好搞笑，可能系俾佢啲歌影响到个印象，我觉得佢系唱歌好叻，同埋唔系点讲嘢𠮶啲talent，合作之后发现原来Jason搞好多gag嘅，被佢呃咗！”虽然Kiri呻自己“被骗”，但两人均期待下次再度合作，更想推出新歌，他们透露：“其实本来我哋有谂过出新歌，我哋仲哼咗差唔多成首歌出嚟，跟住发觉我哋要做完今次个crossover先，下一次写新歌啦！”先后与其他歌手合唱，Jason预言已在物色下一位合作的歌手，也想过把这种合作变成一个系列：“本身谂住呢个企划系揾三个人，其中两个系Serrini同埋你，但系第三个就未落实。你问我完咗第三次之后，有冇谂过揾多啲人，将佢变做一个恒常系列，我觉得都几好，可以令到自己接触多啲唔同类型嘅音乐，唱人哋嘅歌时，毕竟可以有一种跳出本身个vocal character嘅谂法去唱。因为唱自己嘅歌嘅时候，第一样会谂嘅系究竟我唱呢首歌时个声会系点样，我想跳出自己唱歌𠮶个声音。”Kiri T也赞许Jason的想法，认为他是真的热爱音乐才会不怕麻烦或工序去求变。