ANSONBEAN获冯允谦度身订造冧女情歌　用女友视觉走匀拍拖圣地

近期电影、电视两边忙的ANSONBEAN未有停下音乐步伐，继跳舞快歌《CRUSH（oh no!）》后，第二首主打歌《you made my day》日前也隆重登场，一直指希望跟同门师兄冯允谦（Jay）合作的他终于如愿以偿，获对方度身订造冧女情歌。他说：“首歌系Jay Fung写畀我，好多谢佢写咗首咁好听嘅歌，听demo嘅时候已经觉得好舒服、好chill、令人好享受，但我曾经担心会唔会好难唱呢？怕掌握唔到，但经过一段时间嘅练习，加上监制慢慢训练我嘅技巧，终于录制完成呢首歌。”

加入乐坛首支冧女情歌，ANSONBEAN除落足心机献唱，更希望将这首新歌送给“豆粉”（歌迷暱称），他说：“我嘅fanclub刚好成立一周年，我希望用《you made my day》呢首歌，送畀过去一年一直支持我嘅‘豆粉’。”新歌MV日前首播，为感谢歌迷支持，ANSONBEAN在MV首播前于社交网站跟他们打招呼，但因为家中用来开Live照明的灯坏了，屋企其他位置光线亦不足，ANSONBEAN只好走到屋企后楼梯位置开Live，还搞笑地坐在一个盛放著大堆厕纸的纸箱上。之后大家睇完MV，ANSONBEAN回到家中继续开Live，今次他利用一个已坏掉的雪柜，利用柜内的灯作照明，相当搞笑。

新歌MV一改传统情歌拍摄手法，虽然今次没有女主角，可以令这位怕丑仔松一口气，但却要面对另一个难题：“个MV拍咗两日，系讲我带住女朋友去匀好多唔同嘅拍拖胜地，但个MV冇女主角，系用女友视觉去拍摄，我要幻想身边有一个人，再应导演要求做一啲好sweet好开心嘅表情，拖手嘅镜头都要借女工作人员只手去拍摄，系有啲难度。”这次先后去了中环摩天轮、旋转木马、大坑、观塘海滨以及赤柱圣士提反湾拍摄，全部都是情侣必到景点，当ANSONBEAN去到嘉年华，童心未泯的他，除玩了多个摊位游戏，更挑战可以让天下男友大显身手的夹公仔机，可惜ANSONBEAN却无功而回。尾站去到圣士提反湾睇日落，导演更心思地在沙滩搭建小帐篷，营造浪漫气氛。

而部分场景则改到屋内拍摄，扮作是ANSONBEAN与“女友”的小天地，在家中穿上紧身背心的他，大show健硕身型，还有一连串“女友视觉”的冧女动作，令每个画面充斥著无限幻想空间。他说：“个MV畀机会我试咗好多唔同嘅嘢，同埋导演好细心，开拍前问定我钟意食乜饮乜钟意咩布置，例如屋企𠮶幕，准备咗整蓝莓芝士蛋糕嘅材料畀我，因为我钟意食，又准备咗我最爱嘅冻柠茶，令MV嘅内容可以贴近我嘅喜好。”