拉阔音乐会｜与姜涛解锁未曝光作品 林家谦：有啲憎《一人之境》
商台举办的《拉阔音乐会 风火雷电》今晚（27/9）在亚博馆Arena圆满结束，林家谦、姜涛、柳应廷（Jer）和Tyson Yoshi（程浚彦）在骚后接受传媒访问。谈起姜涛接连翻唱队友AK（江𤒹生）、Ian（陈卓贤）和Anson Lo（卢瀚霆）的作品，他直言内心一直想著MIRROR：“我内心系更加想同MIRROR企喺呢个舞台，同大家一齐唱都觉得开心，但系唱佢哋嘅歌，都代表著心系同佢哋一齐。”此话一出，在旁的Tyson和家谦都笑指觉得失望：“即系唔想同我哋一齐啦，唉……”场面十分搞笑。
拉阔音乐会｜姜涛如愿与Tyson Yoshi合唱 林家谦唱日文歌掀高潮
姜涛今晚首度演绎新歌《Dear My Friend,》，被问到是否太感触落泪，他称只是在跳舞后流汗。至于今晚与家谦演绎从未曝光的作品《有一种传说》，原来是家谦的主意，他说：“本身我哋系唱《一人之境》，我话唔好，我唱咗好多次，有啲憎呢首歌啦，就话不如唱啲未唱过嘅歌，然后就谂起两年前都同姜涛合作过。”他续指这首歌比《一号种籽》更早出现，又解释这首歌以合唱形式演绎较为适当：“最初写嘅时候，收到指示系（姜涛）可以同佢啲兄弟一齐唱，所以呢首歌会有一啲talk back位，我觉得系啱多过一个人唱，于是就话不如唱呢首。”
至于开骚前气管敏感的Jer则指表现未受太大影响：“今日畀自己70分，当然仲有进步空间，但系花姐都有话，喺气管敏感嘅情况之下，今日都觉得ok。”而今晚Tyson则成为演唱会的肌肉担当，一开场就大骚完美身材，他笑说：“本来系排好咗边个位，但系个rundown又畀人改咗，劲尴尬啰。于是就决定喺𠮶个位除，唔系，系喺𠮶个位唔小心跌咗件衫。”姜涛即笑说：“下次小心啲。”
至于今次家谦作出了一个重大突破：跳唱。他说今晚感到十分害怕，事前决定不停苦练，希望大家满意。姜涛称十分满意：“其实我喺彩排嘅时候都睇过一次，完全冇评价，因为净系佢跳舞呢一件事就已经好爆。”Jer也笑说：“平时我都跳得多啦，今次就等其他人跳，我就舒舒服服唱歌。”
不过Tyson坦言今次有一个小遗憾，因为时间不足，今次未能与Jer合唱：“其实如果有时间我会改埋Jer首歌，另外两位嘅歌我都有改到少少，出到嚟嘅效果我好满意，加埋大乐队一齐真系好好玩，但系时间真系唔够。”Jer即笑说：“我好唔开心，净系同佢哋合唱。”Tyson即指回家后会马上尝试改编，又指本来已有心水：“本来系想改《水刑物语》，但系我哋嘅方向未捉得啱，本来就会系向一个偏静啲嘅方向，但系我写唔到一啲偏快嘅rap，再改嘅时候就发现冇时间。”
在改编《特伦斯梦游仙境》后，Tyson突然要林家谦改名作“林风”：“𠮶首歌一开始我系大嗌‘Yo Breeze’，然后我手机都将佢个名改做‘林风’。”近日同时忙于拍剧的Jer则指完骚后要大吃一餐：“大家都为演唱会饿咗好耐，瘦到块面都凹晒，我自己都未打边炉啦，想约埋大家一齐打。”
睇埋其它精彩现场情况：
同场加映：拉阔音乐会｜会场外特设粉丝专属打卡位 姜涛母亲现身撑爱儿