Dear Jane演唱会｜安哥唱Punk Rock出道作：永远冇可能摆喺歌单

五场《Dear Jane Pendulum Tour 2021》昨晚（25/9）在红馆圆满结束，及后四子在后台出席祝酒记者会，并齐齐开香槟庆祝。他们在会后接受传媒访问时坦言，看到五晚观众都非常热情，都觉得不可思议，主音Tim（黄天翱）指：“呢几场都唔需要特别嗌佢哋起身，当然我哋一开始都会嗌大家起身，但系未嗌都已经有一半人企咗喺度，仲有有几场系全场人都企晒起身，见到大家咁投入，就系我哋觉得最满足嘅嘢。”他认为最难忘的是一口气唱“现代爱情三部曲”，认为当中会看到自己的音乐或多或少也融入于每个人的爱情故事中。

看到全场反应热烈，再想到当初曾经历户外演出只有三人观看的低潮期，四子均表示十分感动，低音结他手Jackal（伍汉邦）指：“原来到咗今时今日有咁多人支持我哋，仲要系由头唱到落尾，真系好钟意我哋啲歌，真系好感动。不过我哋都要好专心弹乐器，所以𠮶种情感要hold住先，要表现得好啲畀观众睇。”不过他昨晚才自爆，两个月前为师妹JUDE拍摄《私奔记》MV时，自己不慎跌断右手，幸好骚前不断看跌打后伤势好转，他坦言不希望自己伤势影响演唱会：“好担心大家会话我整亲手不如唔好开，我最怕就系演唱会搞唔成，所以我唔出声，依家都安然度过咗，之后我先再去睇医生。”

连日来观众都看到Tim在台上大放闪光弹，今晚更连番向老婆杨洛婷及女儿Tanya送上窝心歌曲，场面温馨。他认为这个画面非常开心，又指爱女把到红馆看演唱会的第一次献给自己，又笑指气氛犹如一家人到主题公园游玩：“我初头见到佢，佢好似都系唔太习惯，觉得佢好似去咗主题公园睇演出，其实对佢嚟讲应该系一样。但系佢好似系识唱我哋啲歌，尤其是我特登走埋去唱《2084》，睇到佢皱晒眉头，口罩又好似郁紧，真系跟住唱，叻女。”另一边箱，Jackal就被队友大爆求婚失败，他坦言队友都非常关心自己的感情状况，本来想藉Dear Jane作品征婚，可惜失败而回，笑说要藉媒体力量征婚。

今晚Dear Jane也顺应民意加码，大唱昔日擅长的Punk Rock作品，最后更以出道作《男儿当打交》作为最后一首歌，成功在红馆舞台献唱这首经典作。Tim坦言一口气唱三首Punk Rock是任性表现：“呢啲歌永远都冇可能摆到喺歌单入面，其实有好多观众都系由一开始听到依家，咁我哋都自私啲、任性啲，呢啲就系我哋嘅根。喺红馆玩Punk Rock，哗，其实仲边会有机会吖？”结他手Howie也补充：“呢啲真系我哋嘅根，唔系成日都会攞出嚟，但系喺重要嘅时候系要show下。”

说起演唱会中的趣事，除了在演唱会首晚有观众冲上舞台为求与观众自拍外，对Tim而言也发生了一件尴尬事：“条裤爆得好劲，由前面爆到后面，有人喺IG Story影低咗爆开𠮶一刻，𠮶阵我弹紧结他。原来爆咗𠮶刻真系见到底裤，feel到下面有阵风，真系会记一世。”不过Dear Jane在骚后就没有太多休息时间，稍后时间将继续录音工作，继续完成为期两年的音乐企划。