冼靖峰中秋狂食月饼　做Gym还债准备拍MV拍剧：自己知自己事

冼靖峰（Archie）昨日（22/9）现身荃湾出席商场活动，先后演绎《到此为止》和《囍帖街》。他在活动后接受《香港01》访问时指最近要同时兼顾拍剧和录制新歌两方面，又指自己第一首单曲由幕后班底依照自身经历度身订造，令自己相当期待：“我记得收到demo之后就好想同佢哋倾，而监制都好用心咁同我做好成首歌，去到录音嘅时候又纠缠咗一排，谂紧点录先好，都试过重新录过，所以中间搞咗一大轮，依家终于到后期制作。”问到会否赶及在今年推出，Archie则指留待公司安排。

不过Archie坦言，适逢中秋佳节，自己不停吃月饼应节，更透露儿时一个吃月饼习惯：“我细个钟意直接食成嚿月饼，唔切开，一攞起就食，个感觉好爽。咁当然系讲紧以前啦，依家都讲究卫生。”不过为了拍剧及准备拍MV，Archie随后也开始做Gym减肥，又笑说：“依家咁都唔系好差啫！哈哈，不过我自己知自己事，会睇下有冇机会做返多啲运动，因为呢排真系特别忙。（点减肥？）主要都系做Gym同食清淡啲，但系依家好多时拍摄都要喺出面，我会自己带饭或者买啲好清淡嘅嘢食，例如沙律。可能未必周围都有，系有啲麻烦，但系尽量做。”