导演Sheng邀周国贤做MV男主角帮AGA突破：透过演活自己同群众接触

AGA（江海迦）早前推出新歌《理性与任性之间》，MV除由AGA亲自出演外，更邀得周国贤（Endy）担任男主角，二人有著极多对手戏，包括热恋、淋雨湿身、吵架等。《01众乐迷》邀请到MV导演之一Sheng，除了分享今次在选角上的考量外，也与乐迷拆解拍摄亲热戏时的过程。

挑战用演技接触群众

这次MV是一个写实的都市爱情故事，谈到今次主角人选，不少都会好奇为何今次会邀请到Endy出演。Sheng和另一位导演Maggie考虑过演员外型及角色气质后，决定尝试邀请Endy担任男主角，而他也很快答应。至于女主角方面，Maggie和Sheng在构思时已经决心要由AGA亲自出演，而对方也愿意接受挑战：“AGA、舒文同唱片公司都好快做决定，觉得系时候畀个机会AGA试下，透过一个现实啲嘅角色，试下透过演活自己同群众接触。”

都市爱情小品初体验

说起今次故事性质，Sheng指对AGA而言会是一种新尝试：“原来我哋合作以嚟，AGA都冇拍过呢种咁真实嘅爱情故事，我哋通常都系畀一啲拍出嚟好靓，好超现实嘅MV，或者系一啲著重表露情感嘅MV，从来都冇写过一啲关于都市嘅爱情故事畀佢。”至于今次在拍摄上运用了不少长镜头，Sheng坦言当日在18小时内完成拍摄，虽然控制时间成为一大难题，但AGA和Endy的演技成功减轻他们的负担：“最难系喺十几个钟头入面要发生好多事，用嚟完整咁交代成个故事，其实喺控制时间上系比较困难。不过今次真系要特别赞下AGA，佢哋好多时一Take就已经做到我哋想要做嘅嘢，所以你哋会发现今次拍摄上，好多嘢都可以做到一气呵成，唔会斩得好断。”

亲热戏一take过免尴尬

至于观众最著紧的，相信是这次AGA突破尺度，在镜头前与Endy亲热。Sheng指事前已经把故事向两位交代得非常清楚，而他们也迅速投入故事的气氛之中，只需一次就已经做到他们预期中的感觉。他也特别谈到自己和Maggie在拍摄亲热戏时的处理手法：“基本上我哋每次拍亲热戏都尽可能做到一take过，其实我哋都怕演员会觉得尴尬，好多时我哋都会试下唔嗌cut，等佢哋唔好停，咁会好过大家不停重复做好多次。”

至于AGA和Endy最后一幕亲吻，是否代表著这对旧恋人复合，Sheng指这部份只想交代两位主角经历过一个难忘的晚上，而后续发展就刻意交给观众代入或猜测：“佢哋会觉得事过境迁，见到大家做到各自心目中嘅理想，但系最后嘅亲吻究竟系交代佢哋复合，定系最后只系继续各自各为生活拼命，我就唔想刻意交代。毕竟大家喺爱情嘅道路上都会发生过呢啲事，我会畀一个空白位大家，就算系冇一齐到，𠮶一晚嘅记忆都会非常深刻，呢个就已经系我哋想讲嘅嘢。”