马天佑11月开首个唱包办时装指导　6大美魔女担任嘉宾

马天佑（Mayao）将于11月5日于麦花臣场馆举行首个演唱会《Reinvention 马天佑 衫。重奏》，除了一手包办专业时装指导及歌手，更邀请到陈慧珊、关心妍、何嘉莉、张新悦、赵颂茹及谷祖琳参与演出！

有别于一般演唱会，Mayao不单在形象及舞台设计上花尽心思，更为六位女星带出内心最希望呈现的一面给观众欣赏︰“今次Show名叫《Reinvention 马天佑 衫。重奏》，“Reinvention”（再发现）系指我会用自己嘅方法，去“Invent”（发现）呢六位女星嘅可能性。同埋，我亦希望可以借此机会去“Reinvent”自己（再发现），令自己可以跳出Comfort Zone去做一啲未做过，但又好想去做嘅事。”

Mayao透露今次演唱会的主题是“衫”，所以服装在这个演唱会中极为重要︰“我会用好华丽嘅衫，去‘重奏’佢哋特别嘅歌，有听过呢个年代歌嘅乐迷，相信都会有一种好特别嘅感觉。”问到Mayao邀请这六位女星的原因，全因为Mayao都是她们的“小Fans”︰“佢哋嘅歌喺我成长路上有好大嘅影响，而佢哋所有嘅歌我都听到滚瓜烂熟。除此之外，我喺佢哋身上见到有好多可能性，所以希望喺呢个演唱会上面帮佢哋突破到另一个层次，俾从未见过嘅一面大家睇。今次系我第一次举行演唱会，依家仲有好多嘢努力筹备中，希望大家到时都可以入场见证我嘅第一次。”

而为了让观众更了解六位女星的内心世界，Mayao更拍摄了一个全新真人Show节目，在这两个月期间于Mayao YouTube频道内播放，真人Show除了会辑录筹备整个音乐会的过程外，亦会有六位女星的内心感受，与及鲜为人知的事情，希望让观众更加了解她们真诚的一面，以另一角度进入她们的内心世界。