罗敏庄演唱会｜无意邀请女儿合唱梅艳芳经典：佢唔知梅姐系边个

一连两晚于九展Star Hall举行的《罗敏庄Live Alive演唱会》，在昨晚（5/9）圆满落幕。相隔9年再开演唱会的Mimi接受传媒访问时，也谈起今次举行演唱会的心思：“可能我由细到大都系睇《欢乐今宵》，好钟意综艺节目，系一个多元化嘅娱乐节目。好多人嚟到都想话想听一个音乐会，但系抱歉，我真系好想带娱乐畀大家，尤其疫情下好多人心情麻麻，我好想观众带住开心嘅心情离开。”

说到一连两晚与好姊妹黎瑞恩（Vivian）同台时都忍不住泪水，Mimi指新歌《姊妹！Cheers！》歌词说中二人姊妹情深，加上看到Vivian水汪汪的双眼，自己就不禁流泪。她也感谢Vivian大力帮助自己：“佢话9年前嚟唔到好唔开心，今次就要帮到我尽。头先见到演唱会排咗好多嘢，佢都话‘我嘅演唱会都冇排到咁多嘢呀！’但系佢嚟到嘅时候冇话过好辛苦，亦都冇问咁多。其实有好多构思都系好无聊，但系佢哋个个都会嚟帮我达成。”

今晚老公陈国邦和爱女陈禛都要到场支持，不过Mimi却下令老公在骚后不要到后台会合，要马上回家：“因为阿囡听日返早，我见到佢哋有坐到最尾，亦都见到阿囡好兴奋咁，但系佢喺屋企系唔理我嘅，讲笑啫。”谈到今晚有选场偶像梅艳芳的歌曲，Mimi指事前无意请近期在电影《梅艳芳》饰演童年梅艳芳的爱女上台合唱：“其实佢唔识梅姐啲歌，甚至唔知梅姐系边个，我会同佢讲系自己偶像，都有畀啲片佢睇，但系唔打算要佢狂煲梅姐啲歌。阿囡钟意英文歌，可能系因为读国际学校，钟意嘅嘢又会同我哋唔同。”

至于Mimi邀请阮兆祥在台下唱《一生中最爱》，她解释当时忘记受防疫措施所限，对方不能上台：“我本身系叫祥仔上嚟唱嘅，后来乐队领袖即刻同我讲话佢系唔上得嚟，我先记得台上表演嘅人全部都要做检测，冇事先上得台，于是我就叫佢喺台下面唱，我哋系冇乜仇口嘅。”