蔡健雅边录歌边教前法国第一夫人中文：想有真系唱紧国语嘅感觉
相隔三年，新加坡乐坛天后蔡健雅（Tanya）终于推出全新专辑《DEPART》，收录《出走》、《旧情歌》等，传达出疫情当下世界的巨变及人们自主的孤独状态，透过音乐想像社会习以为常的自由生活。当中令乐迷感到非常惊喜的作品，绝对要数第三主打《Photographs》，因为与Tanya合唱的是前法国第一夫人Carla Bruni。早前Tanya和身处意大利的Carla一同透过视像会议接受媒体访问，大谈二人在制作单曲时的趣事和感受。
Carla曾示意只想与Tanya合作
谈到如何促成二人合作，Tanya只清楚对方属意要与亚洲女歌手一起合作，同时也感觉几乎每个人都推荐自己，因此也对今次能与Carla合作的原因感到好奇。Carla及后解释：“我真系好想同亚洲歌手合作，因为我相信世界嘅未来都会寄托喺亚洲。我都好钟意Tanya绝大部份嘅作品，所以当中其实冇谂过有第二或者第三个人选，𠮶个人一定要系Tanya。我好钟意佢嘅歌声、创作、热诚，亦都好钟意佢够朴素。”Carla透露经理人曾经提议过不少人选，但她记得当时对团队直言：“一系我同Tanya合作，一系我直头取消呢个计划。”虽然二人还未真正见过面，但Carla形容与Tanya沟通时已经像老朋友一样，认为友谊并不会受地域所限。
David Bowie成挑战国语动力
对Carla而言，最需要克服的是《Photographs》中的国语歌词。她提到已故英国摇滚歌手David Bowie翻唱过黄耀明的《刹那天地》，相信自己能如这位传奇天王一样，能克服国语歌词。不过，她也谈到自己与正在学习中文的儿女不同，认为自己是成年人，要再学习另一种语言实在是非常困难：“Tanya系一位好好嘅老师，但系中文真系好难学，包括唔同嘅发音同发声方式，同我嘅母语（意大利文）、法文同英文真系好唔同。对我嚟讲系一个挑战，我亦都好兴奋可以尝试。”
靠不停重复句子慢慢学
Tanya也指教导Carla唱国语部份的过程也非常有趣，但二人原意是希望把这部份做好，令作品的卖点并非在于这次合作上的噱头：“我要多谢我哋自己，因为我哋决定除咗享受乐趣之外，亦都决定要认真看待今次合作。我记得Carla曾经讲过，想要大家听起上嚟真系有唱紧国语嘅感觉，唔系只为开心。所以我哋喺呢部份真系花咗好多时间，虽然只系四句。我好明白对Carla嚟讲，有啲字系好难读，我一直同佢讲话一定做得到。”除了亲自录制中文歌词部份给Carla参考外，Tanya透露自己会叫Carla在录音前不停重复歌词：“有时候佢会读到一句啱嘅，发音好完美嘅句子，我就会即刻同佢讲‘快啲即刻录！’”
“人生冇音乐系好危险嘅事”
谈到Carla出身自音乐世家，她直言对自己在音乐上的发展帮助很大：“有啲屋企系医生世家，有啲系律师。而我父母都系音乐人，细细个开始，音乐就好似我哋屋企嘅一位隐形成员，以至依家作为音乐人嘅我开始，创作住自己嘅音乐，我嘅父母仍然相当接受，尽管佢哋钟意嘅音乐系古典乐，睇起上嚟相对地严肃。当然我都系好很认真咁看待音乐，我深信人生如果冇音乐系一件好危险嘅事。所以对于我嘅父母都系音乐家，我觉得好幸运。”
首度采用杜比全景声制作
《Photographs》可以在各大音乐平台收听，不过其空间音讯版本就只有Apple Music才能听到。谈到这次以听到前后左右、四方八面而来的乐器、人声与音效的杜比全景声，取代一般左右声道的立体声处理，Tanya认为这正好突出木结他单纯中带有深度，简约中带有空间感的声音，希望听众与自己犹如置身在同一空间中，也希望将新技术套用在《Photographs》中：“除咗Carla同我嘅歌声，我哋仲喺背景加咗好多和声，听嘅时候，你会以为Carla在呢度，或者另一度，而背景入面嘅和声就会好似无处不在咁。呢首歌嘅混音过程好得意，技术层面都系一项挑战，因为我哋系亚洲之中算系最先尝试呢项技术嘅音乐人，冇一啲基准可以攞嚟参考。”