AGA Dear Jane演唱会｜Tim亲解加码献唱选曲原因：本身喺歌单入面

乐队Dear Jane与AGA（江海迦）联手，于会展Hall 5BC举行的《AGA X DEAR JANE：HERE & THERE》昨晚（28/8）顺利举行。他们骚后接受《香港01》访问时直言未够喉，Dear Jane主音Tim（黄天翱）解释：“太耐冇玩Live show，太耐冇喺一个咁大嘅舞台，太耐冇喺现场见到咁多观众，呢几样嘢再加埋现场嘅气氛，大家都有啲挂住。”AGA补充指：“呢种场地、规模嘅演唱会，我依家会非常珍惜，以前可能系一年做好多个show，令到今次嘅感觉好唔同，大家喺个台上面都有啲沉淀，有啲改变。更加有意义嘅系自己做音乐，可以同大家分享音乐，度过好开心嘅一晚，我觉得呢3年好多人都好需要。”

AGA Dear Jane演唱会｜轮番首唱新歌　Tim与爱女拖手仔劲Sweet

AGA Dear Jane演唱会｜开场唱《银河修理员》　杨洛婷举牌撑老公

谈到Dear Jane和AGA最后一刻决定加码献唱《哪里只得我共你》报答歌迷，Tim直言事前从来没有这个安排，大家都要临时在台上商量。不过他们也倾向唱一些当晚未唱过的曲目，而最后选择《哪里只得我共你》，原来与整个演唱会的构思有关：“其实呢首歌本身都喺歌单入面，但系改过几次之后就决定剔除咗佢，但系呢首歌都好衬今晚嘅主题，大家隔离咗一个好远嘅地方，而呢首歌都可以话系用嚟联系返大家，令呢首歌变得更加有意思。”AGA也直言当晚一时间反应不及，有种要重新适应观众热情的感觉。

AGA称赞演唱会导演细荣的心思，觉得主题与自己生活中遇到的事非常贴切：“好多人都系分隔异地，例如我同屋企人都有成年冇见。过去我所有嘅演唱会同巡回演出，佢哋都会喺度，但系依家就冇得嚟睇，确实系有啲可惜，但系妈妈今朝都会同我讲good show，叫我饮雪梨苹果汤。呢样嘢好似导演想带出嘅概念，距离好似好远，但系大家嘅心系好近。”至于他们在台上形容彼此仿佛活在两个世界，Tim解释每个人都有自己的世界，但在台上就透过音乐互相陪伴，渐渐建立出一种连系。

谈起下个月Dear Jane将进军红馆举行演唱会，四子认为今次正好让他们热身，Tim续指：“去到红馆，当然系要唱多两、三倍嘅歌，但系喺练紧呢个show嘅同时，其实都一路当系练红馆唱嘅歌去彩排。依家呢个show终于完成，我哋其实唞一日就要继续练，因为仲有一个礼拜我哋就要入彩排室，所以，唔好畀佢停！”被问到会否邀请AGA担任嘉宾，AGA直言非常期待再续前缘，低音结他手Jackal（伍汉邦）也非常欢迎：“我哋头先只系试下邀请AGA嚟睇，但系佢提议不如一齐玩，其实我哋系超级愿意，好想！”