声梦演唱会｜何晋乐找数唱《李香兰》获激赞：冇谂过回响咁大

一连四日《声·梦飞行First Live On Stage》在昨晚（15/8）完满落幕，何晋乐（Rock）接受《香港01》访问，谈起演唱会后感想，他形容四晚演出渐入佳境，又指在15位学员团结下，令整个演唱会顺利举行。他坦言对这个舞台感到不舍得：“离之前比赛事隔好耐，终于有机会15个人一齐完成一件好大嘅事情，今次影咗好多相，有好多嘅回忆。”

说到最抢眼的演出，非“隐藏的第二回合表演”《李香兰》莫属，早前JW接受访问时也大赞Rock唱得动听，而台下唱完后也报以热烈掌声。他称在头场演出以来就收到不少意见，认为自己在决赛当晚应该以《李香兰》打头阵，而他对当晚决定不感到后悔：“就算我输咗比赛，最紧要喺大家心目中，呢首歌系好听就够。我冇谂过呢首歌回响咁大，以为呢首歌大家已经听惯听熟，可能系大家冇听过我唱，所以觉得好惊喜。”不过，《李香兰》的演绎难度非常高，Rock坦言最初害怕会有失误：“好多人建议我去听日文原版，感受下原唱嘅情绪，所以我第一时间系唔知大家接唔接受我呢个唱法，好彩喺第一场，我唱到第二句就已经听到欢呼声，我就知我自己做啱咗。”

在与Gin Lee合唱《天黑黑》后，Rock突然在台上来段爱的宣言，感谢女朋友支持和付出，不过Rock指女朋友较喜欢低调，因此害怕她因自己过于高调而生气：“我有问过佢嘅意见，佢叫我唔好咁高调，于是就建议自己做得被动少少，好似有人问我先再讲会好啲。我真系好想多谢佢，因为佢喺背后帮助咗我好多，忍耐我行程表上好多嘅跳动，又成日煲汤畀我饮，感受到佢好支持我，所以我想藉一个大啲嘅舞台多谢佢。”被问到演唱会后最想做的一件事，Rock毫不犹豫地答：“食嘢！最想食日本嘢，头先仲见到Sherman（潘静文）喺度食寿司，佢唔惊肚痛咩？我真系唔得，忍下口，等我唱埋先，入面仲有一杯珍珠奶茶等紧我。”

点击图辑，重温尾场精华：