郑欣宜扮学生妹拍新歌《罚你》MV　梁祖尧汤骏业施展连环虐待

继大热歌曲《先哭为敬》后，郑欣宜（Joyce）再有跳唱快歌《罚你》登场，看似是一首不愿受束缚的反叛歌，其实是Joyce的内心写照：“《罚你》呢首歌系可以反映我‘叛逆宝宝’嘅一面，哈哈，其实由细到大都好多人同我讲‘你唔可以咁、你咁样唔得’我曾经试过好努力听佢哋、跟佢哋嘅指导去成长、去发展，但到后尾发现，其实未必要听佢哋话，跟返觉得适合自己嘅模式去做一件事原来更加好，所以呢首歌有少少反映到郑欣宜自己嘅成长。”

早前Joyce以三个不同造型亮相，并邀请三位特别嘉宾，参与《罚你》MV拍摄。而三位嘉宾，不约而同来自舞台剧界，分别有梁祖尧、邵美君、以及汤骏业，他们要在MV中，以不同方式轮流虐待Joyce：“呢个MV嘅概念、人选系开会嘅时候，由郭启华谂出嚟，我哋一听到都觉得好正，三位前辈喺MV入面分别饰演我人生唔同阶段嘅训导主任角色，咁佢哋比我辛苦好多，因为要不断喺度用好多气力去闹我，但系我又好冇乜嘢咁样去回应佢哋！”

在MV饰演恶魔厨师的梁祖尧，遇上前来学烹饪、却不愿遵从指示下厨的叛逆Joyce，激得祖尧七孔生烟，更将两块面包夹著Joyce的面，变成“面珠三文治”。能够参与今次MV拍摄，梁祖尧觉得相当好玩：“一啲都唔辛苦，虽然刚才导演叫我发恶闹人，因为唔知闹乜，我唯有不断讲恭喜发财、恭喜发财，而家把声都沙沙哋，但我觉得好好玩，刚才用面包夹面，我知道系Joyce谂出嚟！”旁边的Joyce马上回应：“其实我请你嚟系想你调教郑欣宜，同埋我谂冇任何人可以担当‘恶魔厨师’呢个角色！”

至于邵美君及汤骏业，则分别饰演Joyce的无理上司，以及会体训学生的班主任。虽然邵美君第一次认识Joyce，但她坦言，舍不得破口大骂她，说：“闹你其实好难，唔舍得闹你，你份人又认真、又nice，我觉得呢场戏真系好难演。”至于饰演班主任的汤骏业，算是三人之中最难演，当他见到无心向学的Joyce，在选择题试卷上画公仔，嬲到攞起三尺长的木间尺，痛打Joyce手板。

原本表现轻松的汤骏业，埋位前还搞笑说“好enjoy打Joyce”，但当他“手起尺落”时听到“啪”一声，吓得马上缩手，反而要Joyce俾胆，示意他继续打，汤骏业才狠下心详，连续打手板三、四次，之后Joyce不甘受罚还击，试图抢去间尺，混乱间导演终于嗌“goodtake”，汤骏业才放下心头大石：“要同大家讲声唔好意思，三十几岁人仲扮学生，同埋呢条裙，真系我读中学时嘅校服裙，我着咗上身先发现条裙咁鬼短，我而家已经拉低咗，细个真系好跩，走堂去饮珍珠奶茶，有咩咁好饮呢？为咗3.5加纸嘅一杯珍珠奶茶走堂，不过小朋友记得唔好学呀，呢个系反面教材嚟㗎！”