太极演唱会｜鼓手朱翰博感谢戴梦梦未承认翻挞：再开骚就要佢投资

一连两日在红馆举行的《太极Rainbow After Rain演唱会》在昨晚（8/8）完满结束，在接受媒体访问前，许家杰和黎诺懿更现身后台，要与太极五子合照。

问到完骚后的感受，五子都表示松一口气，邓建明（Joey）更指今晚靠已故键琴手唐奕聪（Gary）赐予力量：“平时我哋都唔惯要连续两晚开骚，加上都咁耐冇做啦，㖊日系有少少攰嘅。今日开场之前我哋就好似足球队开场咁打气，之后就觉得充满力量，同埋有好多突发性嘅嘢系估唔到。好似因葵无端端今日嚟咗，因为台上面𠮶本纪念册系因葵写嘅，之后好似有把声同我讲叫佢上嚟讲。”

而刘贤德（HiFi德）笑指自己是乌鸦口，直到开骚后都不敢乱说话：“我真系好惊要再取消，好在最后都冇。我之前一路忍住，好似将个嘴拉返埋拉链，唔好爆乌鸦口，好彩最后都冇事。呢场骚前前后后搞咗接近两年，终于开到，都叫做还咗我哋嘅心愿，我哋会继续努力move on。”雷有辉（Patrick）即指：“好彩你忍得住咋！”

除了Patrick外，盛旦华（蛇仔）在对Gary太太道出一番感言后，泪腺也差点失手。他直言自己较眼浅，尤其当表演到Gary所写的慢歌时，蛇仔都有感触：“尤其是Partick唱《怪你过份美丽》嘅时候，感觉好唔同，以前系Gary弹住琴唱，今次Patrick唱得好有感觉。”而Patrick就将功劳归于嘉宾林家谦：“家谦弹得好有感情，带到我入去另一个感觉，所以要好多谢林家谦，好荣幸可以有一个咁嘅版本。”

再谈起其他尾场嘉宾，最抢眼莫过于叶蒨文（Sally）出山与太极合唱，不过Sally没有与五子闲谈就要离开，Patrick解释Sally要说的话已经投过歌词表达：“佢一嚟就‘How are you my friend’啦㖞！其实歌舞剧就系咁样，所有嘅对白、说话就系用咗旋律、音乐衬托。”至于今晚Mr.在欠缺低音结他手Dash下登场，Joey认为效果未见有落差，又笑指蛇仔可以考虑转到Mr.发展，蛇仔则指：“风格都唔同，太极就冇呢啲嘢嘅。”

重温两晚演唱会嘉宾阵容：

而当中最具话题性的一幕，在于朱翰博（Ricky）在台上感谢戴梦梦，事后被追问是否与对方翻挞，Ricky只称：“佢系投资者嚟㗎嘛，投资者梗系要出现嘅。不过我哋头先都有讲，如果再开多两场，就要叫佢嚟投资啰。（头先队友都要你亲自多谢戴小姐？）系啰，最搞事𠮶个咪佢（Joey Tang）啰！（开得成会有爱的表示？）到时再算啦。”不过其余四位队友都急忙否认，更笑称：“𠮶个系Gary Tong嚟㗎，我哋点会做呢啲嘢呢？”