《巨声1》王嘉仪加盟Juno旗下　“盼于商业和艺术之间取得平衡”

王嘉仪（Sophy）凭参加首届《超级巨声》而为人熟悉，近年一直以独⽴歌⼿闯乐坛，今日宣布签约Juno旗下的幻・国文化娱乐，共同为⾹港演艺圈带来更多可能性。Sophy过去独⾃探索，努⼒不懈地制作⾳乐，试过以众筹⽅式推出专辑，亦试过独闯台湾，扩阔⾃⼰的⾳乐版图，过去已得到不俗的成绩，曾在港台两地获得多项⾳乐奖项和提名。

对于签约幻・国⽂化，Sophy表⽰期望能借此发掘更多可能性，深入了解⾃⼰：“我同幻・国嘅合作系⼀个好美好嘅相遇同缘份，因为过去⼀年我比较多时间喺台湾，亦好幸运喺台湾认识好多唔同⾳乐⼈，同时获得⼀啲⾳乐奖项提名，当中吸收唔同经历同养份。因缘际会带咗我返⾹港，遇到幻・国团队，佢哋俾我感觉系可以喺商业同艺术之间攞个好好嘅平衡，亦都令我觉得好啱feel，可以发挥好多⾃⼰嘅想法同创作上有更多尝试，非常期待嘅合作。”

Sophy亦坦⾔，幻国主脑⿆浚龙（Juno）过去的创作，令她对团队充满信⼼。“Juno系⼀个⽤好多毅⼒同坚持，喺演艺圈⾏⾃⼰道路嘅艺⼈，⼀直默默地⽤⾃⼰⽅式造就⾃⼰风格、创作，喺影像或⾳乐路上有好鲜明嘅形象，喺呢⽅⾯算系⼀种启发，非常期待之后嘅合作，希望喺启发过程中好好发挥，成为独特嘅艺⼈。”

近⽇团队便为Sophy拍下⼀辑宣传照，以3个造型突显她的个性，让外界对她有更深入的认识。Sophy特别解说造型道：“过去喺⾳乐嘅道路上⾯都不断探索，⽤唔同时间揾⾃⼰道路，喺呢条道路上⾯遇到幻・国团队，系⼀个新嘅开始，希望我好似第⼀个蝴蝶造型象征嘅破茧⽽出，⼤家可以睇到唔同⼀⾯嘅我。”在蝴蝶造型中，其中⼀张相Sophy要头戴⾦⿂缸，⿂缸中更有⼤⼤⼩⼩的蝴蝶，Sophy指这个造型在比喻世界有很多障碍，或者是身处在狭窄的空间时，只要坚持及相信⾃⼰想法及真⼼，都可以在⾦⿂缸内发光发亮。

在预视的未来，Sophy以⾳乐⼈身份参与由周耀辉策划，亚洲艺术⽂献库 、⼤馆当代艺术馆跨界合作的⼀连串企划《留念》，同时全情投入全新专辑制作，Sophy透露：“过去⼀年我⼤部份时间都喺台北，吸收咗好多营养、创作想法同灵感，希望接住落嚟可以将呢啲⾳乐创作展现喺歌曲上，将更多嘅⾳乐介绍俾乐迷，加盟幻・国⽂化后好快举⾏的售票⾳乐会，希望到时比到惊喜乐迷，⽽除咗⾳乐上嘅新尝试外，亦希望可以有更加多唔同⾯向俾⼤家睇到，希望⼤家都期待！”