声梦传奇｜姚焯菲再对炎明熹前打定输数：一早已经知道佢系冠军
撰文： 刘传谦
出版：更新：
无线（TVB）歌唱节目《声梦传奇》在昨日（19/7）顺利举行决赛，当中姚焯菲（Chantel）在观众支持下顺利跻身次圈，最后不敌劲敌炎明熹（Gigi）。赛后Chantel接受《香港01》访问时，直言在最后一轮上台前已经打定输数，认为Gigi实至名归：“其实我喺后台知道要同佢斗嘅时候，我心入面就同自己讲‘系Gigi，但系唔紧要，做好个表演就得。’但系可能因为压力真系太上身，所以就失准。我都冇谂过要赢Gigi，因为我一早已经知道佢系冠军，佢实在太劲。”
最后Chantel选择用《Chotto等等》迎战，她指今次由自己亲自选曲，尝试将原版较型格的一面变成“Chantel式”快歌：“我想跳一啲轻快啲嘅歌，因为我发觉自己嘅风格系偏向甜蜜啲嘅，想向返呢个方向，其实成首歌我都系笑紧，呢个系我嘅强项，所以会加返入落呢首歌。”她在赛前也收到父母鼓励：“佢哋都系话尽咗力就得，冇谂过我要攞咩名次，但系好想我做到每一次嘅表演，观众会好钟意，呢样嘢都系我自己嘅目标。”
Chantel坦言不舍得《声梦》舞台及与队友一起练歌的时刻，不过赛后即感到十分放松：“因为唔使再烦拣歌、练歌，每一日都好忙碌嘅行程，所以......唔知呀，我个脑依家仲系好多情绪。”年仅14岁的她即将重返校园，被问到歌迷是否需要再等一段时间，才可以再次见到Chantel，她指：“我会喺IG上面放一啲cover上去，学下冼靖峰咁，我一路都会keep住唱歌嘅，唔会唔见咗我嘅！”
访问期间遇到Archie，Chantel嘅反应好得意呀：