【声梦传奇】张敬轩接棒李克勤做主理人　姚焯菲想体验做一日天王

《声梦传奇》自播出以来一直深受乐迷关注，几位晋身准决赛的参赛者均成为人气王，其中五位参赛者：炎明熹（Gigi）、姚焯菲（Chantel）、文凯婷（Aeren）、钟柔美（Yumi）及何晋乐（Rock）昨日便现身网台节目《Yahoo Lunch K》，与网民分享他们的最爱K歌，更将节目加长至45分钟。

声带康复中的Gigi在直播时献唱了《永不失联的爱》，超水准的表现引来网民炸爆留言，直指应该直接出道，而Yumi则应网民要求，拣选了《Killing Me Softly With His Song》一曲，被网民称赞是天使的声音，至于Chantel翻唱了JUDE（曾若华）《零分》，网民亦大赞她的表现100分！而Aeren与Rock分别演绎《他不惯被爱》及《我很快乐》，二人都游刃有余，赢得网民疯狂派心心。5人最后合唱《隔离》及《小酒窝》，加长版的节目才圆满结束，结果5人超水准的演出，令节目于直播时段收看人数爆灯，创下开播以来最高收看人次纪录。

Gigi得知受到网民爱戴，令节目收看人次成史上最高，她即兴奋道：“冇谂过咁多人睇，收到消息都好惊讶，好多谢大家钟意听我哋唱歌，钟意睇我哋互动。”今次以唱K形式与网民聚首，众人坦言比起参赛时轻松得多，其中Rock道：“冇评判，又可以睇到啲留言同Fans互动，好开心。”Aeren则道：“唔使担心边啲位会扣分，又可以拣自己想唱嘅歌，爽！”讲起唱K，即问各人过去唱K的难忘事，Chantel便道：“第一次唱K系喺我10岁生日𠮶阵同屋企人去唱，去到先知唱K间房会黑晒，所以一入到间房就觉得好得意。”Gigi也说起她10岁的经验：“𠮶次唱到临走时，想挑战自己，就谂起林俊杰试过唱《输了你赢了世界又如何》，觉得佢系男仔，我系女仔，唱起上嚟应该唔系几高音，应该唱到佢个Key，结果系唱到，但第二日就出唔到声，而𠮶次就系我第一次冇声嘅经历。”

最近《声梦传奇》有张敬轩的加入，问到大家与这位“保姆”相处后，可有增加压力，众人齐齐拧头，其中Yumi说：“起初系有紧张嘅，会收收埋埋，但慢慢开始熟络，就发现真人非常nice，帮咗我哋好多。”Gigi则说：“如果用一家人嚟形容，李生（李克勤）就系爸爸咁会畀意见你，而张生（张敬轩）就好似哥哥咁嘅沟通方式，两个都一样亲切。”至于本身是轩仔粉丝的Rock，则兴奋道：“好安心，即刻对呢个比赛充满希望，佢讲出我嘅问题时讲得好到肉，加上俾偶像指点几句，实在非常幸福，由心入面甜笑出嚟。”Aeren则说：“平时留意佢搞笑个性，都谂过真人系咪咁搞笑，系咪咁nice，点知见到真人系一模一样，成个人即刻放松，不过主要因为有机会同佢合唱，有佢带住成件事开心晒！”Chantel也说：“相处咗唔系太耐，但已经畀咗好多意见我哋，教咗我哋好多嘢，喺佢身上学到好多嘢。”

问到5人若有机会与张敬轩合作或共处，众人可有什么狂想，Aeren即道：“最想一齐拍真人骚，然后一起跳笨猪跳，就可以系最贴身嘅合作，实行You Jump I Jump！”Yumi也笑著说：“玩游戏都唔错，要For Fun嘅，咁就可以同佢亲密啲，变得Close啲Friend啲。”Gigi则说：“既然李生系爸爸，张生系哥哥，不如一家人食餐饭，但当然要系喺疫情过后。”Rock亦都想到静态一点的相聚，他说：“我都好想同佢一齐食饭，倾下偈。食咩冇所谓，张生拣，我最主要想知佢谂咩，或者佢会做啲咩，先可以做到佢而家嘅天王地位。”至于Chantel的狂想，反而希望成为张敬轩！她说：“我想试下跟佢每一日嘅习惯去生活，同埋跟佢嘅Schedule体验下佢嘅工作日程，be him for a day（成为他一日）。”