黄妍8月开个唱　客串做展览导赏员变赶客：佢哋打完招呼就掉头走

黄妍（Cath）6月在中环元创坊举行影像与声音体验展览《The Reverberation Of Us 我们的回响》，由歌曲《无声浪》中描绘与外婆关系的内容延伸出来，昨午（27/6）Cath在闭幕礼中不但演绎《无声浪》和《我心中尚未崩坏的部分》外，更与获提名今届台湾金曲奖演奏类最佳专辑制作人奖的hirsk送上新歌《轻盈》的一日限定版本。

典礼期间，Cath也提起一件展期内发生的趣事，其实她只要不用开工便会到场，客串做导赏员，但却误变“赶客”导赏员。她笑说：“见到啲人喺门口装吓装吓，我去同佢哋打招呼say hello，跟住对方就掉头走，搞到啲工作人员都叫我等人哋入咗嚟先好行埋去。其实系好感动嘅，因为好多朋友睇完个展览、听完歌之后会喊，我负责递纸巾俾佢哋，另外有啲会同我分享返佢同佢长辈之间嘅故事；亦有人睇完之后会明白歌词嘅信息，觉得真系要珍惜身边嘅人，令我好感动。”

提到展览共吸引超过2000人次到场参观，Cath 坦言感到十分意外，又提到曾有音乐人前来，专程聆听为展览特制的音乐作品：“有啲人话音乐好听，甚至有音乐人嚟，好似Cousin Fung之前嚟，佢逐个听，听得好仔细，仲会畀返意见我，真系好感动。香港嘅节奏好快，大家边有时间去静止、去聆听自己、聆听世界去感受呢？所以畀到呢个空间大家，我觉得好好，而自己亦都好似多一个可以hea嘅地方，我又可以同人直接沟通，所以真系好唔舍得佢完。”

Cath在典礼上透露，新专辑将在下月16日推出，当中收录《无声浪》、《墙身有裂》、《天光前》等9首作品，同时也宣布将在8月27日，于海洋公园怡庆坊举行个人音乐会，属“来日之音”系列第二场。而演唱会海报造型也在今日曝光，平日走文青路线的 Cath 今次大玩新形象，她换上荧光绿色超短裙晒腿上阵，她笑言身边的亲友看到她的照片后都不禁哗然，但背后Cath其实要忍受腰伤拍摄，更笑言：“我已经郁唔到，加埋要着对鬼死咁高嘅高踭鞋，对鞋又要摄住喺我膝头哥个位，所以无论我做任何动作，就算我行路，都好似好轮尽，好似个机械人咁，条腰郁唔到。后来发现自己好似上半身郁唔到咁样，最后喺摄影师提议下试做啲唔同动作，就变咗而家见到嘅效果，唔使郁到条腰吖嘛！所以𠮶个系一个腰痛样但要扮唔痛嘅高级样，哈哈！”