声梦传奇│炎明熹原来未签TVB? ：呢方面主要系屋企人谂

撰文： 刘传谦
出版：更新：
炎明熹现身海洋公园参与表演。（陈顺祯摄）

无线（TVB）音乐节目《声梦传奇》学员炎明熹（Gigi）今日（25/6）现身海洋公园怡庆坊，为“共享新未来”启动礼暨音乐会献唱《守望麦田》，她指这首歌已经几乎成为自己“饮歌”：“我都发现自己好多表演都用呢首歌，而且呢首系之前初选嘅时候拣嘅歌，我一路学唱呢首歌嘅时候，发现呢首歌原来都帮咗我好多。”

炎明熹未正面回应是否已动笔与TVB签约。（陈顺祯摄）

首度参与商业演出，Gigi坦言感到紧张，不过问到自己的减压方法时，她却指：“暂时系将有压力嘅嘢做好，因为我唔系好熟悉自己，所以未揾到适当嘅方法。我有问过啲同伴点样减压，话晒平时都有咁多嘢做，佢哋有啲话会瞓觉，有啲话会食嘢，但系我试过呢啲方法都唔得，所以我仲摸索紧。”

炎明熹与钟柔美、林智乐第一次出席商演，与坤哥、JW同台演出。（陈顺祯摄）

谈到近日传出TVB要求《声梦》十强学员签5年基本艺员合约，Gigi未有回应是否已动笔签约，指一切将交由姑丈决定：“可能呢方面要问我姑丈，我自己其实都唔系咁清楚。（考虑咩因素？）我依家仲未够岁数，所以呢方面主要系屋企人谂，佢哋倾好咗先同我讲。”