Novel Friday新歌直接抨击Supper Moment：系一个好心痛嘅回应

继2月推出新歌《REPLY 致明日的舞》，透过作品回应陈奕迅的歌曲后，年轻本地Rapper Novel Friday再推出新“REPLY”系列作品。新歌名为《REPLY摇滚叛徒》，只见单曲封套上用人民币浸浴的图片，或许乐迷未必知道这次作品针对的对象，不过看到歌词中出现《说再见了吧》、《最后晚餐》等Supper Moment旧作，加上在宣传影片中大胆焚烧他们将在本周末举行的《一直相信演唱会》海报，今次的新歌明显要正面抨击这支昔日人气爆灯的乐队。

边写边感到心痛

Novel Friday形容，这次作品带出的信息令自己十分心痛：“Supper Moment系一队好出名嘅乐队，其实佢一路以嚟嘅作品都好打动到我，既然我系咁钟意佢哋，我就想将我自己嘅谂法用作品话畀佢哋听，但系整体嚟讲，呢首系一个好心痛嘅Reply。”或许很多读者都会觉得，Novel Friday的作品是要回应早前Supper Moment回应“摇滚叛徒”指控的影片，不过他澄清作品早在上年已经写好，而自己也没有看过该段影片，因此不便评论乐队在片段中的言论。

用火交代Supper Moment昔日热血

最令乐迷惊讶的，绝对是Novel Friday愿意在镜头前火烧Supper Moment的演唱会海报，大胆地透过画面直述歌曲大意。Novel Friday解释片段中的火是代表热血：“Supper Moment（作品）一直以嚟都兼顾到生命、成长、燃烧青春，以至革命、家庭，系有好多信念同理念嘅一支摇滚乐队，睇到呢度，我就觉得火有一种温度同意识，就系佢哋以前都会提及嘅，当燃烧紧生命嘅时候，我哋嘅理念系咩？我觉得用火烧呢个画面，感觉上系以前提及过嘅热血，但系依家畀当初嘅热血燃烧紧自己，于是我就想用火嚟回应‘一直相信’嘅感觉，好似以前身为乐迷嘅我，你要我继续相信佢，但系我觉得呢份信任已经被燃烧嘅一种感觉。火烧系好痛，同我嘅主题好夹，如果系乐迷嘅都会明白呢首歌核心嘅理念。”至於单曲封面设计的理念，他笑指：“我觉得如果呢个浴缸上面有好多红色，其实系靓过金色嘅。”

挑战另类曲风

今次与过往节拍强劲的Melodic Rap不同，旋律感觉上较柔和，原来这隐藏著自己对摇滚的看法：“可能讲紧某个人本身玩开某种类型嘅音乐，其实唔止玩音乐，每一个类型嘅音乐家都会有佢哋应有嘅态度，唔系话佢唱摇滚，就代表佢系一个好Rock嘅人。今次就想试下点样用rock嘅态度嚟唱一啲爵士乐。”大胆地透过画面和平面设计表达不满，会否担心听众反而认为行为过于直接，会在新歌推出后纷纷取消追踪自己的社交帐户？Novel Friday直言新歌非常受欢迎，不担心有听众觉得反感：“好开心今次反应几好，有好多人都支持，叫我一路‘Reply’落去，我都觉得有一股动力，其实我已经写好咗第三首‘Reply’啦，哈哈！”