【声梦传奇】张佳添为Felix林智乐平反：佢可以将旧歌唱得好摩登

无线（TVB）歌唱比赛《声梦传奇》上周起回归个人战，9位学员分成两组进行学员、导师合唱比拼，每组绿灯数最少的将被淘汰。上集播出其中一组比赛，最后林智乐（Felix）不敌林君莲（Kaitlyn）、文凯婷（Aeren）和冼靖峰（Archie）遭到淘汰。

歌声辨识度高有利日后发展

不过评审之一的张佳添就在节目中大赞这位参赛者，形容当晚他与林奕匡（Phil）合唱《分手总要在雨天》是“靓声拼盘”，更对他说：“你唔系一个平地一声雷，即刻会一炮而红嘅歌手，但系假以时日，你系会储到你嘅粉丝，就系因为你把声。”他日前再拍片分析四位参赛者当晚表现时，亦再次谈起对Felix的评价，认为他已经比大部份歌手优胜：“喺男仔之中，Felix嘅声线差唔多系有最高辨析度，呢样嘢真系唔好睇少，因为一位歌手唱得再好，如果你嘅声音欠缺咗一个独特性，其实成功率会低好多，男男女女都系。如果一听把声就知道佢系边个，其实对佢打入市场嘅帮助好大，而Felix把声靓之余，我仲会联想到佢嘅面孔，即刻醒起呢个人我识得，我知佢系边个，其实已经差好远。”

盛赞与Phil合唱方式恰到好处

张佳添在影片中也谈到往后评分准则，指声线辨析度将有机会左右战局：“呢一个其实系揾明日之星嘅节目，而呢个元素真系好重要，我哋喺呢个节目都会有自己嘅判断，因为我见过好多歌手，无论新人、旧人、失败嘅人、成功嘅人，我都见过咁多，其实呢个人嘅成功率有几高，我心里有数，呢样嘢喺我嘅计算，绝对系基于自己经验嘅判断。”他续指，Felix能以新式唱法演绎旧作，亦是一大加分点：“佢唱一首咁旧嘅歌，佢冇做到一个好旧式嘅感觉，反而系用一种比较现代嘅演绎方法。佢将一首90年代嘅歌唱得几摩登，系一种年轻人表达依家心情嘅感觉，而唔会用一种过份澎湃嘅方式演绎。其实真系唔需要，呢啲嘢张学友去做就得啦，一个后生仔唱呢首歌根本唔需要去到咁，所以佢系恰到好处。”他在节目中为Felix给绿灯，也直言对他分数偏低感到意外，认为他的观众缘始终不及其他选手，因而落败。

批Aeren未汲取上轮教训

今集之所以惹来网民不满，最大原因是认为Aeren与林欣彤（Mag）合唱《爱是怀疑》的表现未如理想，最后却以13分险胜Felix晋级，其参赛片段推出短短4日，在YouTube就有约3600人给Dislike。张佳添也在影片中点评Aeren表现，指他在当晚给予Aeren红灯，虽然表演有可观之处，但与上轮唱《未知》的表现相若，无法一开口就展示魅力：“你问我系几吸引嘅，但系又好似上次咁，去到Rap先觉得正，唱𠮶方面始终都系差啲。我觉得Aeren冇真正吸收到上次唱《未知》嘅问题，系平稳嘅，但系我觉得佢唔够力量，其实唔需要成首歌都咁用力，佢只需要喺某啲位置用多少少力，我就会感受到佢系有能量嘅歌手，有收有放，但系佢就冇做到。”

虽然Aeren在说唱部份后有改善，但张佳添认为是为时已晚：“Aeren系要明白，佢一上到台就要掌控舞台，唔可能畀你热身半首，去到后半首先嚟料。其实Aeren系得嘅，我真系希望佢知道自己争啲咩，只要佢明白，再去改进，佢就会有一个突破。我等紧Aeren，希望佢可以畀心机帮自己突破。”他恭喜Aeren能够晋级，同时提醒这位女将：“我希望Aeren真系珍惜自己嘅机会，话畀观众同评判知你真系得，我知你系得嘅。”

张佳添点睇Kaitlyn同Archie表现？