【专访】许廷铿认与per se有情意结：indie歌手好值得大家听到
踏入2021年，大大小小的演唱会相继举行，当中全新本地演唱会系列《我是现场》也将于6月26日，在旺角麦花臣场馆举行第一场演出，许廷铿（Alfred）和组合per se将以一日限定乐队“Negative Ends……。”与乐迷见面。虽然门票在开售当日已经售罄，不过乐迷都可以透过“01空间”购买网上直播门票，一睹偶像风采。
上回专访谈到，两个音乐单位是在3月录影其中一集ViuTV音乐节目《Chill Club》而认识，后来由音乐会导演康家俊一手促成这次合作。回顾歌手名单，包括林家谦、Serrini、ToNick、Zpecial和Supper Moment在内，该集表演的全部都是独立歌手及乐队。今年3月，Alfred宣布离开华纳唱片，当晚首度以独立歌手身份亮相，他也主动谈到当时感受：“我以为‘独立’真系会‘独立’，原来佢系调返转头，系另一个大家庭，大家系会相知相认。好似我哋咁，其实系素未谋面，但系可能因为一啲演出，大家就会有某种连结。好老土都要讲句，音乐真系可以将所有人结合。”而一路令Alfred在音乐路上眼界大开的，正是一众活跃于地下音乐圈的独立音乐人。
撰文：刘传谦
摄影：陈顺祯
许廷铿认7年前已欣赏per se
Alfred直言，自己早在2014年开始留意在地下音乐圈知名的创作人，因此对per se已经有种情意结：“𠮶阵我对音乐嘅认识开始多咗啲唔同嘅范畴，其实香港有好多好好嘅音乐单位，我哋俗称‘indie’歌手，对于我嚟讲，佢哋真系好值得大家听到，之后就听咗好多per se嘅歌。我第一次见到佢哋嘅时候已经讲，我系好钟意佢哋嘅编曲。”
01空间｜FWD 富卫保险呈献 “我是现场” 音乐会001 许廷铿 & per se - 网上直播门票
买唔到飞睇 许廷铿 & per se 唔使担心，“01空间”现推出网上直播门票，畀大家安坐家中都可以睇到呢个一夜限定嘅演出，我哋到时见啦！🎧🎤立即购买网上直播门票 👉🏻 https://bit.ly/3gO4jgJ 🎹
Alfred在广受大众认识的主流乐坛中成长，时至今日走入独立音乐人行列，在定义上也可被称为“indie”歌手。在现代的乐坛，有RubberBand、谢安琪等约满唱片公司后决定独立发展的单位，也有Serrini、王嘉仪等从地下音乐圈走入主流乐坛的独立歌手，似乎“主流”和“indie”的界线已经变得模糊。对此，Alfred也有深刻体会：“真系由14年开始，认识多咗咩叫音乐，原来个世界真系好大，所以我嘅包容性亦都慢慢多咗。其实近年per se嘅歌系可以用一个流行音乐嘅角度嚟听，我唔会觉得要用一啲所谓‘in唔indie’嘅状态嚟分析。我觉得唔应该将呢啲作品定型，话呢啲就系主流嘅，另一边就系‘indie’咁。今次呢个组合就系可以打破呢啲框框、界线。”
per se走入主流体会听众口味差别
另一边厢，per se就是其中一队从地下音乐圈走入主流媒体的乐队。自2017年加入音乐份子（Frenzi Music）起，per se开始创作广东歌，继而吸纳新一批听众，上年的《粉碎糖果屋》更深受主流媒体肯定。结他手Stephen（莫善祺）直言per se当时在音乐创作上的转变，已经令听众群变得不一样：“一转咗做唱广东话歌，感觉到个市场真系好唔同。的确系有啲人净系会听英文歌，有一啲净系会听广东歌，𠮶阵时可能会令一啲净系听广东歌嘅听众有多啲印象，‘啊，原来有呢队组合！’转咗唱广东话之后，都要有一啲旋律、编曲上面嘅考虑，慢慢进化。”键琴手Sandy（叶蔚菁）则坦言：“我哋嘅面向好似多咗一班人，我系知道有一班人会问我哋点解唔出英文歌，但系我哋冇话唔出，𠮶件事依然会继续。”
领悟实体音乐会独特性
在新常态下，歌手除了寻觅举行实体音乐会的机会外，也把握机会制作线上音乐会，而对歌手及乐队而言，最大的差别正是表演场地是否有现场观众。Stephen直言两者性质完全不同：“线上系有得畀你表演，但系𠮶段时间系冇嘢弹返嚟，可能系有网上嘅留言，话好听或者唔好听，但系如果喺一个场地表演，佢系会有一啲声音弹返畀你，有观众，有台，有灯，有其他嘢。”
而实体演唱会带来的能量，对Alfred而言是感受更深。他在上年举行过三场《无力感线上音乐会》，今年就亮相《Chill Club推介榜年度推介20/21》现场，在现场观众面前亮相，他坦言自己一直是需要靠观众推动的歌手：“初出道嘅时候好幸运，叫做因为喺主流，容易畀乐迷接触到，有平台，自己都不知不觉间习惯有乐迷、观众听自己唱歌嘅状态。去到近年先发现呢样嘢唔系恒常，有啲你估唔到嘅情况出现，会令你以为可以做到好多年都咁稳定嘅事，突然间要所有嘢停摆，一开始系唔惯嘅。”
Alfred谈起线上音乐会的经历，坦言即使用尽全力制作，但表演期间仍非常渴望昔日有观众在旁的日子：“做线上音乐会，𠮶种力量都仲有嘅，可能𠮶件事消化得耐咗，近排仲有人同我讲‘我成日听你嘅线上音乐会’，系会有呢啲力返嚟。但系同你喺个台上面唱歌，𠮶种现场状态，即时见到人，可能佢哋唔系大声欢呼，只系屏息静气，专注喺台上面发生紧嘅嘢，呢啲都系互相传递嘅能量。”
Sandy也认同现场观众对自己十分重要，尤其在疫情下感受更深：“就咁做个直播系自己比力量自己，我有Stephen嘅都还好，仲可以互相沟通，但系想像到你（Alfred）真系要播MMO（Music minus one，意指消除主唱人声的伴奏），咁就真系好似自High！真系等到𠮶样嘢冇咗，你先会发现佢系咁珍贵，其实我本身系钟意录音，可能啲嘢要好完美咁先可以出街，但系呢个疫情令我发现，原来现场有一啲嘢，系网上直播或者录音室畀唔到。”