Chill Club演唱会｜Serrini获花姐批准拖姜涛手：要问过人先做得
撰文： 刘传谦
出版：更新：
ViuTV昨晚（5/6）在旺角麦花臣场馆举行《Chill Club A New Stage》音乐会，林家谦和Serrini担任其中两位表演歌手。令部份乐迷觉得可惜的是，当晚演出未能听到二人合唱，不过Serrini笑指：“今晚净系挂住同姜涛同埋Ian好开心咁合唱，完全唔记得咗有另一个男人存在，不过今日好满足。”家谦也几乎同一时间指：“系啰，我都净系挂住同二汶、Gin Lee唱，唔记得咗呢位年度女歌手。”
今晚Serrini先后与两位MIRROR人气王合唱，期间更相继与他们手拖手，她坦言事前已经得到经理人花姐批准：“原本我净系好似一碌木咁企喺度，同埋净系敢自己旋转，但系花姐话‘你可以同佢哋有啲交流，掂下佢哋，甚至走嘅时候可以好似一个姐姐咁，拖住细路一齐走。’（林家谦：你肯定系姐姐？）姨姨啰！”不过在合照时，Serrini就不敢有太多身体接触：“你系我都唔够胆啦，佢哋咁多Fans，我真系唔够胆挠佢，要保持距离。（惊Fans嬲？）系呀，同埋要宣扬一个好重要嘅信息，就系所有嘢要问过人先可以做，如果对方觉得ok先去做。”
+3
家谦直言刚才在钢琴前十分紧张，原来他演绎《一人之境》demo版《Another Day》时遇上一个灾难性的技术问题：“唔知点解成个琴低咗半度，我一弹落去就觉得唔对路，个Key（音调）同队Band完全唔同，呢个灾难系可以好大，因为差半度其实好撞声。Band喺一入歌嘅时候都知道有问题，但系真系冇办法，冇可能弹咗之后无啦啦升返啱，所以佢哋都即刻转咗Key一齐夹。之后第二首就要弹返啱，轮到我自己要转返啱，个脑不停谂住要点弹，变咗歌词已经唔记得七七八八。我真系未试过咁大灾难，但系大家可能未必见得到，真系好恐怖。”
点击图辑，重温林家谦同Serrini表演：
+11