《超级巨声4》邹旻诺新歌获张敬轩表扬感惊讶：原来唔系假帐户

说到2015年的无线（TVB）歌唱比赛《超级巨声4》，大部份人第一时间会想起该届亚军，最近推出新碟《哭墙》的谷娅溦，却甚少人提起冠军邹旻诺（Eric）。他在两年前凭《笼里》出道，不过与其后的《IT’S OK》和《星空下的dancer》一样，作品未获得主流媒体青睐。不过来到Eric最近推出的新歌《回》，就吸引到张敬轩的注意。

《回》讲述每个人都曾被不同烦恼包围，希望透过歌词鼓励听众接受、拥抱不如意的事。Eric近日换上短发造型，他接受《香港01》访问时就用头发解释歌曲及MV的创作概念：“佛家有句说话叫‘三千烦恼丝’，MV嘅一开始，我个头有好多唔同嘅角，代表紧唔同嘅烦恼，但系当你剪走晒嘅时候，烦恼系咪真系会冇咗呢？系咪等到白头发生咗出嚟先会代表有唔同嘅改变？其实都未必系，所以我哋要学识接受佢，其实系一个轮回咁，要不停重复住呢个步骤，可能会畀佢带到你好唔开心，但系我哋要学习拥抱佢。”

有别初出道时与叶澍晖合作，Eric在今年推出的《回》和《星空下的dancer》皆一手包办曲词编监，制作模式有如林家谦《一人之境》。其实Eric向来都要自资出歌，他在疫情下开始钻研录音技术，为减轻财政负担，他决定要一手包办录音、混音等幕后工作：“呢个做歌模式系要用好多时间，但系做音乐嘅时候就唔使喺金钱上面付出。以前要揾人帮手做，虽然都系我自己写埋歌，呢度可以悭返少少钱，但系如果要揾人编曲、录音或者监制，咁都要大概四、五万，但系都要睇你揾边个帮手。依家自己一个做可以随时都改下，如果系揾人做嘅，咁就有多啲人可以听到，会听到好多嘅意见，但系揾其他人编或者监，就未必去到自己想要嘅感觉。”

昨晚（3/6）轩仔在Instagram限时动态中转载Eric新作，大赞新歌“好好听”，令Eric感到十分惊喜。他直言当时不敢相信：“㖊晚我整紧歌，休息紧嘅时候打开IG，见到有个好似张敬轩嘅人Follow咗我，𠮶下谂紧发生咩事，发现原来真系张敬轩嚟㖞，唔系假帐户嚟。于是我再睇下佢个story，点解有一个story系讲紧我首歌嘅？𠮶下我成个人呆咗。”Eric坦言事前与轩仔并不相识，但在澳大利亚读书时期，他除了不时在卡拉OK点唱轩仔的作品，2009年更曾以《笑忘书》参加2009年《全球华人新秀歌唱大赛》悉尼区比赛，被问到有否与前辈寻求合作机会，他说：“我唔敢谂，不过有嘅话当然好。”

相比同届亚军谷娅溦已经有机会出碟，Eric的起步似乎较晚，不过他相信上天总会有适当的安排：“《巨声》都过咗6年，你问我起步系咪慢，我初头都觉得系，但系如果早啲起步，可能就冇《回》呢首歌。我始终系觉得人喺唔同时段发生一啲嘢，其实都系整定，就好似如果我呢首歌冇落广告宣传，张敬轩就未必会睇到，咁佢就未必知道我嘅存在。”