【劲歌金曲】糖兄妹6月重返海洋公园开骚　揭嘉宾曾为十周年写歌

组合糖兄妹周二晚（25/5）一同现身电视城，参与音乐节目《劲歌金曲》录影。虽然二人同台，但糖妹（黄山怡）却透露这次未有和糖兄（潘云峰）在镜头前合唱：“今次改革之后嘅《劲歌》都系未有糖兄妹嘅足迹，因为糖兄系负责喺新歌嘅部份畀评语，所以未合体住。但系导演头先都有问我哋系咪有歌要唱，我谂紧之后系咪都有机会合作呢，其实有唔同嘅环节同方法，可以同其他歌手一齐合唱。”糖兄指之前都为歌唱比赛《声梦传奇》担任评判，过往都有为TVB负责剧集音乐，但亦十分期待日后能以表演者身份出现。

不过乐迷很快就能看到糖兄妹合体献声，事关他们将在6月12日重返海洋公园怡庆坊，举行《再见从前音乐会》。他们指今年在“音乐永续”计划下推出两首翻唱歌，决定顺势举行一场以翻唱为主的表演，当中部份歌曲将经重新编曲。糖兄指经历上年十月的《预见十年音乐会》后，认为场地虽小，但有可取之处：“虽然𠮶度嘅观众唔够一千人，但系畀我嘅感觉好开心，同观众好亲近，又冇𠮶种好冷清嘅感觉。”嘉宾方面，虽然二人未肯明确透露，但糖妹已经给予一个极大的提示：“呢个特别嘉宾同我哋好有渊源，首先系我细个参加歌唱比赛嘅时候，佢有份做评判。之后到我哋十周年嘅时候，佢写咗首《只此一家》畀我哋。（糖兄：你𠮶个都唔系贴士嚟嘅！）哈哈，大家有心嘅话就揾下啦！”

至于问及早前在演唱会中率先披露的新歌《天天连载》何时面世，糖妹坦言：“𠮶阵系有唱过首新歌，但系糖兄近排都冇时间去做新歌，因为佢每日嘅行程都好紧密。”糖兄就向歌迷预告：“完咗个演唱会之后，首新歌就会好快出现，而且我可以保证会唔只得一首新歌。”