【专访】关心妍敢用新人作品重返乐坛：佢第一首歌就为我度身订造
相隔5年，关心妍（Jade）推出全新广东单曲《腍》回归乐坛，为今年的“疗愈三部曲”揭开序幕。Jade在访问中指，整个企划合共有5首歌，经过与幕后团队商讨后，决定用《腍》打头阵，接连再以《爱的告别式》和《原谅的力量》串连故事。
新歌听起来与过往“关心妍式”情歌分别不大，但Jade指在3年前与填词人黄伟文沟通时，整个系列是出发自与父亲的关系：“呢个系一路以嚟我都好想讲嘅题材，我同爸爸好耐冇见，佢离开咗我哋，到最后隔咗好多年，佢喺弥留当中，我哋先再见返面，当中有好多嘅误解，大家都摆低、原谅咗对方，跟住就离世。”Wyman先写下《原谅的力量》歌词，Jade认为作品帮助自己对往事释怀，决定从疗愈关系的步骤开始构思，用音乐疗愈听众。
Jade过往在传媒面前甚少提及爸爸，她在单亲家庭长大，自6岁时父亲离开家庭，分隔足足28年，最后在医院见最后一面。Jade坦言曾怨恨爸爸，为何她最后选择原谅？她直言：“可能真系因为自己腍善啦！”
撰文：刘传谦
摄影：刘智源
场地：Rosewood Hong Kong 香港瑰丽酒店
化妆：Cyrus Lee
发型：Adrian Au @ Salon Chemistry
造型：HY @ Vchapter_
服装：Marques Almeida from Harvey Nichols
配饰：Wink Atelier from On Pedder
鞋履：Rene Caovilla
因腍善原谅父亲：不如就咁算！
在爸爸离开以后，Jade就再没见过父亲，她坦言过去曾幻想过双方见面的画面。
“原谅唔到嘅系，我唔明点解佢当初唔揾返我哋，可能佢都会觉得我哋点解唔揾佢，当中大家都会带住好多问号。以前我有谂过，如果喺条街度见到佢，我会点样闹佢。但系到最后一刻再见返，佢都好老，𠮶一刻我真系心软，冇再谂返之前啲嘢，反而觉得不如就咁算，一切都已经完结，𠮶下真系要学识放低。”
她坦言自少失去父爱带来的安全感，逐渐在恋爱关系中建立保护机制：“冇咗爸爸嘅爱，细个嘅时候就算系女仔都要好坚强，因为你缺乏咗好大嘅安全感，系一路都冇，变咗会开始自我保护。𠮶阵对爱系失去信心，当你中间再遇到一啲对你唔系咁好嘅人，你嘅保护意识会更加强。”不过在认识老公杨长智后，Jade逐渐对爱情重拾信心，更开始从女儿杨荣心（Jovia）身上感受父爱：“佢真系好似一个我从来都冇遇到过嘅爸爸咁样，佢锡我嘅爱就好似我一路渴望拥有嘅父爱，因为老公，所以我先会有呢个转变。”
虽然新歌交代一段情伤，但Jade的出发点是与父亲的关系，她解释这段疗愈过程可以套用在任何一段关系：“每个人嘅伤痛点都好唔同，有啲可能系伤得佢好深嘅爱情，有啲可能系亲情，讲紧一段关系嘅破裂；有啲可能系友情，因为一啲小事反咗面。配合喺唔同人嘅身上，要疗愈嘅嘢都唔同，但系整个过程同方法都系一样。”
餐厅经理为Jade作曲
《腍》创作班底除了过往曾经合作的Wyman及Johnny Yim（严励行）外，作曲方面更与新人彭嘉维合作。在这三年间，Jade坦言曾收过不少demo，但最后仍觉得有美中不足，决定继续等待：“中间有收过唔同嘅歌，有啲都系好好，但系呢个疗愈系列有一啲嘢系特定需要，而喺呢啲歌入面系揾唔到。但系彭嘉维呢首曲系好啱做成个系列嘅开头，的确感觉到𠮶种恨同埋腍善。”
相信大部份读者都未听过彭嘉维的名字，其实这位音乐人过往并没有推出过任何作品，亦是一位行外人，目前担任餐厅经理。Jade认为整个过程十分奇妙：“佢系完全未写过歌，呢首歌只系第一首作品，但系佢好钟意音乐，亦都系我嘅歌迷，原来佢系专登写畀我，一路谂住我嚟写呢首歌。我收到呢首歌嘅时候，我以为呢个人肯定系作过好多首歌，或者佢已经有其他作品，但系呢首原来系佢第一次创作，就为我度身订造，收到𠮶一刻我好震惊。其实每一个人都可以追梦，唔一定要喺呢个音乐圈，可能你做紧其他嘢，但系同时好钟意音乐，咁你都可以一齐追。”
为改曲风亲自监制：比监制鞭自己嚟得更痛
在访问中，Jade也率先披露《爱的告别式》的创作过程，歌曲由自己作曲及监制，希望在音乐上带来改变。近年她开始认识林家谦、Serrini等新生代唱作人的作品，希望从中学习，令新曲贴近当下乐坛潮流：“呢首歌系讲紧自己开始冷静返，讲紧呢几年嚟感受紧嘅事，亦都想感受下呢个时代，依家听紧边啲种类嘅歌。呢首歌同以前啲歌系完全唔同，会有啲似大家时下听紧嘅嘢。”
不过，Jade坦言录音过程相当艰辛，由于自己兼任监制，所以在录音室内一直坚守严格要求：“我都鞭策得自己好劲，我谂系比监制鞭自己嚟得更痛。我要将一啲坏习惯同唔啱嘅情绪全部鞭走晒，有时就算录得好好，但系听得出自己啲坏习惯之后，我就即刻话唔得，要从头嚟过。可能歌迷会觉得，呢个都系关心妍，但系会系一个全新嘅关心妍。”
拟开红馆四面台贺出道20周年
明年迎接出道20周年，Jade希望歌迷喜爱今年新作，来年将集合新歌及过往经典作开骚，回馈乐迷：“可能有朋友都好钟意《C-12》（2014年推出EP）入面啲歌，都好耐冇唱过，咁带埋《关家姐》等等嘅歌，喺20周年就开红馆。呢个都系我其中一个梦想，我好想喺20周年试下开四面台，之前都系三面台，因为啲期撞咗所以拆唔切台，如果可以喺20周年企一次四面台，咁就无憾啦！”