专访︱吴业坤游东京获摄影师邀拍写真 漫天樱花下过马路送别30岁
四月初正式结束日本之旅的“坤哥”吴业坤，返港后于酒店隔离期间完成新歌《一路》创作，并邀得商业电台DJ Oscar填词、丁伟斌（James Ting）兼任编曲和监制。可以说，没有今次历时四个月的假期，没有长达18天的“东海道五十三次”（指的是日本江户时代从江户到京都的驿道“东海道”沿途经过的53个“宿场”── 相当于古代驿站）长征之旅，便没有这首歌。
“我觉得好多嘢夹到都冇咁夹啰，我当初冇谂过去东京，亦都冇谂过见到James Ting，佢系以前帮Cookies、Shine写歌嘅音乐人，我哋之间又有班Common Friend，去到东京嘅时候就识咗佢，就胆粗粗同佢讲话有只歌，想喺（返港后）隔离嘅时候做埋，你可唔可以帮帮手，就系因为一啲咁嘅缘份，加埋Oscar嘅词，就出现咗呢首新歌。”
身处外地，通常都会做一些平时在家不会做的事，除了徒步从京都步行492公里至东京外，坤哥亦获身处当地的居日华人摄影师陈烈（Kii）邀请担任模特儿，拍摄街头写真。“我哋一路行，一路影，由半藏门一路行落去涩谷，讲起大家嘅经历，都有啲共鸣，影相嘅时候大家都知对方要乜嘢，呢种无形嘅默契好难得会出现，唔系口讲就做到。”这辑照片其中一张相，名为《一路走过30》，是为摄影师送给“坤哥”31岁的生日礼物。
撰文：游大东
访问摄影：叶志明
摄影：陈烈（图片由吴业坤提供）
场地提供：东南楼
转眼间入行10年，拍剧唱歌开骚无限轮回，吴业坤好像从来没有好好的放假。
2020年11月，他决定让自己任性一次，飞往日本。
“做任何嘢都系讲天时地利人和。我觉得自己30岁之前想用埋呢个Quota（工作假期），就申请咗先，又咁啱喺日本（因为疫情）封国之前，即系（2020年）2月底、3月初嘅时候我去咗𠮶边一次，拎咗个Visa，之后返香港拍咗两套剧（《宝宝大过天》和《异搜店》），又出咗新歌《原始心态》，做晒啲嘢之后，11月嘅时候日本通番关，有‘在留卡’嘅人可以飞番去，咁我觉得，留两个月，叫做放下假都好呀，于是就去咗呢个Trip。”
获得日本语能力测试N2资格，又懂唱歌，人在日本，总会想过去当地寻找发展机会吧？坤哥笑言，就算自己有这个想法，一场世纪疫症，已打乱所有事情。“我系谂住用一个旅行嘅心态去呢个Trip，我都有同公司讲，去到当地会做啲旅游嘅嘢，或者系一啲KOL嘅嘢，影下相、拍下片，但系最后都冇做到啰。同埋你话去日本发展，其实2019年我都飞得去多，飞去东京，都识咗一啲当地嘅Entertainment公司，同埋一啲唱片公司，都有啲洽谈，但正当想（计划）发展嘅时候，咁啱就COVID（爆发），好多Project都Stop咗，希望等所有嘢好转之后可以做。”
为人生做点事 徒步完成“东海道五十三次”
封关、开封、封关，坤哥本来只留两个月，惟疫情令归期一再延迟。
“我同大家（家人和公司）讲，都系一月一日之后就返嚟，因为想试下喺外地过（新年），佢哋系OK嘅，始终觉得放假好正常，但慢慢愈来愈迟，褪褪褪褪褪，褪到都走咗4个月喇，佢哋都会问：你几时返嚟呀？咁我都有罪恶感，加上都有少少觉得自己迤（Hea）咗好多，想为自己做番啲嘢啦，亦当系对公司有少少交代，就决定做一啲自己未做过嘅事，做番一样嘢系For我嘅人生，就行咗（由京都）去东京呢条路。”
“坤哥”笑指，徒步完成“东海道五十三次”是绝对没趣的事，能够填补留日四个月的心灵空虚，亦希望将来有故事可以向后人分享，“第时有个孙，都可以同佢哋讲，话阿爷𠮶阵时都好蠢，叫做有啲故事留番畀自己。”再想想，与其讲，不如唱，新歌《一路》就在这个背景下诞生。
旅行从来都是人生的缩影，你不会知道旅途上会遇见甚么人，甚么事，而坤哥亦因为步行至东京，经作家健吾介绍，结识于当地居住的摄影师陈烈，对方更邀请他担任“樱人”系列的模特儿，“坤哥”一口答应。拍摄当天由半藏门出发，，一直行去涩谷，边行边拍边聊，才知道彼此有很多共通点。
与摄影师一见如故
“原来阿烈话钟意听我嘅歌，佢好钟意《百姓》，又提到当初点样喺日本慢慢学摄影，其实佢自己中学开始影相，而我都系中学开始钟意唱歌，大家都系向住𠮶个目标进发，佢话最初影𠮶啲相畀人话太Art，畀人否定过，所以都读过一啲课程，睇下点样可以点样（将商业和艺术）捞埋一齐，大家都系为咗自己钟意的事而去钻研，冇放弃，所以大家倾落都会有啲共鸣感嘅，虽然我唔系专业Model，但系影嘅时候，大家都知对方要乜野，呢种无形嘅默契好难得先会出现到，唔系口讲做到。”
陈烈透露，这辑照片里最有含义的一张，是拍下“坤哥”在漫天樱花下，在半藏门某条路上过斑马线的定格，“呢张相系坤哥31岁生日Po嘅，背景有‘30’两个字，我就将呢张相命名为‘一路走过30’，呼应佢首新歌，又呼应佢生日，好特别。”可能是徒步长征太过艰辛，相中的坤哥较以往瘦削，乍看真的有点脱胎换骨的感觉，近日坤哥不避嫌与193合照，又承认自己有留意ViuTV节目《ERROR自肥企画》，可以见到“日本之旅”的确让他更加成熟，或多或少从其言谈和处事方式中反映出来。
吴业坤与ERROR跨台友谊唔转“地下情” 自认想亲试“死亡行星”
重温坤哥日本之旅花絮：