劲歌金曲｜被豹哥指冇经典歌　冯允谦IG：要识分边啲意见值得听

TVB音乐节目《劲歌金曲》在改版后新增“金榜预测”环节，由观众及专业音乐人点评新歌及歌手表现，成为城中焦点。在昨晚（16/5）播出的最新一集，冯允谦（Jay）带来新歌《思念即地狱》，表面上是讲述一段异地恋，其实是表达对嫲嫲在上年末离世后的不舍。

Jay擅长欧美曲风，歌词往往会中、英夹杂，在香港乐坛并不常见，因此在观众席上的反应两极，在20位“音乐选民”中，他总共得到12个赞好。伦小姐和林先生都认为这种曲风听起来十分舒服，而卢小姐更指作品好听得忘记按灯。不过关先生就从歌词出发，认为故事性不足：“净系讲紧异地恋，自己好伤，但系冇一个故事喺度，所以唔太钟意。”

在“音乐导赏团”方面，填词人郑敏鼓励Jay继续投入每一首歌的故事，而林柏希则非常喜欢：“除咗系今年香港乐坛我钟意嘅头三首歌之外，就算摆喺欧美嘅收音机、电台频道，我谂摆埋落去播，我觉得都唔会失礼。”不过单立文（豹哥）就点出Jay入行9年来遇到的问题：“我知道你系一位好勤力嘅唱作人，但系好似……我自己觉得你走咗入一个困局。点解咁耐都冇一首Mega Hit（经典大热作品）出到嚟？你自己谂下，如果Jay Fung仲要继续行落去嘅话，要有一首所有人都觉得好中嘅歌，你要点做？参考下人，Eric（Eric Kwok）系个好例子，佢真系好好。”

Jay在节目中坦言现时创作并非以大热歌为考虑：“呢刻我系希望做啲嘢，可以表达到我依家经历紧嘅嘢。”当晚Jay亦用英文在Instagram贴文，疑似回应豹哥在节目内的抨击：“每个人都有唔同意见，人越大，就会听到唔同嘅人有好多唔同嘅意见。不过重点系你要识分边啲系值得听，边啲系唔值得……学习为自己思考。”