郑中基演唱会︱Ronald撑林家谦攞奖多谢自己：畀着我多谢四次！

郑中基今晚（24/4）在中环海滨活动空间举行第二场《WEE are Ronald Cheng Drive in Ultra 郑中基自驾演唱会2021》，更请来人气唱作歌手林家谦担任，一起合唱经典作品《我代你哭》，令人听出耳油。之后，两人便在台上大谈歌手经，郑中基更问：“听讲问你嘢你多数都会答错嘢，其实咁多人支持你，你开唔开心？”然后林家谦便说：“开心。”

郑中基期间亦发挥搞笑本色：“不如我问下你有冇未来计划啦，你唔好答，你答有，啲人就会话你有机心，你答冇，啲人就会话你懒。不如问你有冇拍拖，都系唔好，因为你话有，就会话你挂住拍拖，你话冇，就会话你讲大话。”

提到林家谦主唱的《一人之境》横扫乐坛颁奖礼，郑中基便指歌曲的曲词编监都是林家谦：“四个都系佢，点解唔可以多谢自己呢，我就唔明喇，畀着我，我就多谢自己四次！”林家谦听对方撑自己后就连番道谢，郑中基之后又叫他不要打算缩去做幕后：“你千祈唔好缩，缩就等我呢啲老嘢缩，你企返前少少，你好好地努力做音乐就得喇。”